SOMO 45

I dzʼ dzá sehemu nǎ le kʉ nga nari na mana ká kʉ addu?

Ndi le ndi nari

Yesu pongʉeri ndi unakpa dho nzá ringani ndima é “dz’ dzá sehemu” ri. (Yohana 15:19) Nga le kʉ dz’ lai djó nari na ma na kʉ, nzɨ le tsu le politiki nǎ lo na inga vita dhi lo na. Nzɨ lé le tso gba fø lo na nari ngae sʉsʉ ri. Ndrŭ ka ndima di ko gbogbo njati ko di rinji fø nzá ró. Ko nga e dz’ lai djó ri ndirigoti ko tøni chi Yova dho nari ká ko ka ko dhǒ ngbaribbai?

1. Bbʉbbʉ Wakristo dhó nganjadha ká e ngbaribbai ndrŭ dhó pidhinga djo?

Wakristo adi heshima bbʉ ndrŭ dhó pidhinga dho. Ko adi rinji Yesu pongʉeri nari bbai ndirigoti “ko adi Kaizari dzá ritsi bbʉ Kaizari dho.” Føri na mana kʉ ko adi ngarr dz’ djó sheria dho, loroji na føri ko adi nji sheria pori ko bbʉ kitas nari dho ko ngarr nari chulu. (Marko 12:17) Biblia ripo ndrŭ dhó pidhinga dho Yova bbanga ndi nyó pi d’e. (Waroma 13:1) Føri dho ko churi nari kʉ ndrŭ dhó pidhinga kʉ ndi dhi mupaka na. Ko adi ko thí li Mungu djo ndirigoti kedzá ra nǎ Pidhinga si ndrŭ dho kpakpalo tso d’ø nari djo.

2. Ko nga kʉ dz’ lai djó ri nari ká ko ka ko dhǒ ngbaribbai?

Yesu bbai, ko nzɨ adi ko tsu politiki nǎ lo na ri. Yesu njingʉe ddù ná saa na ndrŭ ngʉ riji ndima li ke Pi, ro ke nzá ungʉe fø ri ro ri. (Yohana 6:15) Ká addudho? Dhonalo, luti ke pongʉeri, “madzá Pidhinga nga kʉ i dz’ dzá sehemu ri.” (Yohana 18:36) Ko kʉ Yesu unakpa nari dho, ko nzɨ adi ko tso tsu i dz’ dzá njonjo kʉ ná lo na ri. Loroji na, ko nzɨ adi ra vita dhi ngana ri. (Azø Mika 4:3.) Ko adi heshima bbʉ drapo dho, ro ko nzɨ adi ri má Mungu bbai ri. (1 Yohana 5:21) Ko nzɨ adi ko tsu politiki dhi kikundi na inga vote dhi lo na ri. Fø lo krʉ kana, ko adi ridho ko tøni chi Mungu dhó guvernema dho, føri kʉ kedhó Pidhinga.

ANE LONANGA BBO

Aneri ni chu ko kʉ dz’ lai djó nga nari dho ka ndi tsu ko mbudha na ná lo ndirigoti anja ngbaribbai ma ni ka ni vʉ lo nanga Yova nyǒ ka ndi tho nari bbai nari.

Ddikpa ke di nzá ndi tsu ndi ro dz’ lai djó kʉ ná lo na ro. Ke nzɨ ndi dyu li politike nǎ ddaddani ndima kana ná bbobbokpa d’ra ndrŭ dho ná lo ro ri.

3. Bbʉbbʉ Wakristo nzɨ adi ndima tsu politiki nǎ lo na ri

Yesu ma, ndi unakpa ma na bba bblo kʉ ná loroji ko dho. Azø Waroma 13:1, 5-7 ndirigoti 1 Petro 2:13, 14. Føri goti, aninja VIDEO, ndirigoti anitilo lo i ngadhudha djo.

VIDEO: Bbʉbbʉ Wakristo ro nga e dz’ lai djó ri—Sehemu ya 1 (4:28)

Ri ká ngani ko rrnga pikpa dho addudho?
Ko ngarr kpa dho nì nari ká ko ka ko dhǒ ngbá chulu?

Vita dhi saa na, nja ndrŭ adi ripo ndima nga kʉ ngbá nga lai djó maddi ri, ro kpa adi vita nji ná ndrŭ tsotso kó ko. Nde le nga kʉ ngbá nga lai djó maddi ri nari na mana ká kʉ addu? Azø Yohana 17:16. Føri goti, aninja VIDEO ndirigoti anitilo i ngadhudha djo.

VIDEO: Bbʉbbʉ Wakristo ro nga e dz’ lai djó ri—Sehemu ya 2 (3:11)

Ngbá nga lai djó ma le kʉ nga nari na mana ká kʉ addu?

Ni ká ka ni njí addu njati pikpa di ripo ni njí nzá gbani Mungu dzá yadha na ná lo ró? Azø Matendo 5:28, 29. Føri goti, aninja VIDEO ndirigoti anitilo i ngadhudha djo.

VIDEO: Bbʉbbʉ Wakristo ro nga e dz’ lai djó ri—Sehemu ya 3 (1:18)

Njati ndrŭ dhó yadha di Mungu dhó yadha gʉgʉ ró, ká ringani ko rrnga ie dhó yadha dho?
Ri ká kʉ ngbá lo kana, Wakristo dho nzá ringani ndima rrnga pikpa dho ri?

4. Nzɨ di dz’ lai djó nidhó ngaddidha ma, inga ni nji ná lo ma na chulu

Azø 1 Yohana 5:21. Føri goti, aninja VIDEO ndirigoti anitilo i ngadhudha djo.

VIDEO: Addudho ma ringani bbʉbbʉ Wakristo é nga nǎ do ro nari—Ndiro nzɨ ndima di dz’ lai djó ró (2:49)

Video nǎ ni njari nari bbai, Ayenge ká vʉri nzɨ ndi tsu ndi politiki dhi lo na inga nzɨ ndi bbʉ madha drapo dho addudho?
Ni ká riddi ke vʉ lo nanga nyodyu na?

Ko nga kʉ dz’ lai djó ri nari dho ka ndi tsu ko mbudha na ná njari ká kʉ ngbá lo? Aninja VIDEO, ndirigoti anitilo i ngadhudha djo.

VIDEO: Dzamu dhi Munara nǎ ro ko ka ko ba ná somo—Nzɨ gba ni tso ndo nanga ndoni ná ɨ dz’ dzá lo na (5:16)

Ni nga kʉ ngbá nga lai djó maddi ri nari ká ni ka ni dhǒ dja dhi lo kana ngbaribbai?
Njati politiki nǎ bbobbokpa di ko cho dho nari é faida bbʉ ná lo ma inga nzɨ faida bbʉ ná lo ma ró, ká ko ka ko dhǒ ko nga kʉ dz’ lai djó ri nari ngbaribbai?
Televizio chulu ko nja ná lo ma inga ko lai nja ndrŭ dhó ro ko ba ná lo ma na ká ka ndi lø ko kʉ dz’ lai djó nga nari ronga ngbaribbai?

Collage: 1. Ka nanga kani ná ndrŭ d’u plakarte ndirigoti ndrŭ tsatsa. 2. Ddikpa ke ngbe drapo ndi thó thí ndirigoti ke dødø dja djó. 3. Darasa nǎ ddikpa ngba ngø le má na ná dyi ngo. 4. Ddikpa sødda dhó kʉ sø. 5. Politike dhi aro kʉ ná kpa loti. 6. Ddikpa le vote dhi papie li ri ndrŭ li na ná sanduku na. — Mukristo dhó ngaddidha ma, ke nji ná lo ma na kana ká ke ka ndi dhori ndi nga kʉ dz’ lai djó ri ngbaribbai?

NJA LE KA NDI DHURI: “Ni ká nzɨ adi drapo má inga ngø le má na ná dyi ngo ri addudho?”

Ni ká ka ni ngʉ fø logoti ngbaribbai?

LO DZÁ DɄNGA

Wakristo dhó ngaddidha ma, kpa po lo ná lo ma, ndirigoti kpa nji ná lo ma na chulu kpa adi kpakpanga nji ndiro nzɨ ndima tsu ndima politiki dhi lo na ró.

Lo djolu le ngʉ nari

Kodhó nganjadha ká e ngbǎ ndrŭ dhó guvernema djo?
Ko ká adi ko tsu politiki nǎ lo na nzɨ addudho?
Ko nga kʉ dz’ lai djó ri nari dho ka ndi tsu ko mbudha na nari ká kʉ ngbá lo?

Somo tso dyani ná ddo:

Muradi

Addinga nzina ni nga kʉ dz’ lai djó ri nari dho ni si bani na ná mbudha djo. Ndirigoti addinga ni si po inga ni si nji fø di ná lo banga ró ná lo djo.

Nja muradi:

Your other goal

NI KA NI CHU NÁ NJA LO

Kodho ká ringani ko nji ngbá lo ndiro nzɨ ko di dz’ lai djó ró?

Yova nzá d’erie ko ro bba ri (3:14)

Familia nǎ ndrŭ ká ka ndima tayarisha ndima ngbaribbai nga ndima kʉ dz’ lai djó nari dho ndima si ba ná mbudha dho?

Krʉ kʉ ná lo kana nzɨ gba ni tso dz’ dzá lo na (4:25)

Ddikpa ke di ndima bbá ngø nja mana na pli nari ká kʉ nga nyodyu dhi lo ri addudho?

“Mungu dho krʉ kʉ ná lo kaka” (5:19)

Anja ngbaribbai ma le ka le di nzá le tsu le dz’ dzá lo na ro, njí djo le lo nanga vʉ ná saa na nari.

“Kila Mutu Atabeba Muzigo Wake (Munara wa Mulinzi, 15 Mwezi wa 3, 2006)