SOMO 36
Adi chi krʉ kʉ ná lo kana
Ndrŭ krʉ jirie ri ndima njí kau chi kʉ ná ndrŭ na. Yova maddi adi riji ndi nji kau chi kʉ ná ndrŭ na. Ro ri ngae sʉsʉ ko e chí ri dhonalo ko di nga ndrŭ kʉ chi djó ná dz’ djó. Krʉ kʉ ná lo kana le kʉ chi nari ká adi ngba faida bbʉ?
1. Ká addudho ringani le é chi?
Chi ko kʉ nja ndrŭ dho nari na, ko adi ridho ko ji Yova ndirigoti ko heshima bbʉ ke dho. Achuri nari kʉ, Yova chu ko ddi ná lo ma, ko nji ná lo ma na krʉ. (Waebrania 4:13) Ko di rivʉ ko é chi ró, føri Yova adi njanja ndirigoti føri adi hwè bbʉ ke dho. Kedzá lo ripo: “Yova ndro kali dhi le ndro, ro ke adi kau nji ni kʉ chi ná ndrŭ na.”—Mezali 3:32.
2. Krʉ ddo ró ká ringani ko é chi ngbá lo kana?
Yova jiri ko “ti bbʉbbʉlo ko kana.” (Zekaria 8:16, 17) Føri na mana ká kʉ addu? Rie kodhó familia nǎ ndrŭ na ma ko loti, ko lai njí dhi ndrŭ na ma, ko lai Wakristo na ma inga guvernema nǎ bbobbo kpa na ma ró, ri nzá ngani ko sha kali inga ko d’ra kali dhi lo ri. Chi kʉ ná ndrŭ nzɨ adi nja ndrŭ dhó ritsi d’u inga ndrŭ d’ud’u ri. (Azø Mezali 24:28 ndirigoti Waefeso 4:28.) Ndirigoti kpa adi ndima dho ngani ndima bbʉ ná kitas bbʉ krʉ. (Waroma 13:5-7) Fø ko rinji nari na ko adi “ridho ko kʉ chí krʉ kʉ ná lo kana.”—Waebrania 13:18.
3. Chi le kʉ nari nǎ ro ká le adi ngbá faida ba?
Njati ndrŭ di rinja ko kʉ chi ni ró, ndrŭ ka ndima li ndima thí li ko djo. Føri na ko adi rili kutaniko nǎ ndrŭ mbu ndima ngoi na, ngba jini ji ndima kana ná familia nǎ ndrŭ bbai. Ndirigoti ko e tsetse ná zamiri na. Ko kʉ chí nari ka ndi liri “kodhi Gødha ba, Mungu dzá mafundisho ronga thɨni thɨ,” goti ri ka ndi liri ngbà ji Yova ná ndrŭ si ke madha dho.—Tito 2:10.
ANE LONANGA BBO
Anja ngbaribbai ma chi le kʉ nari ka ndi bbʉ hwè Yova dho ndirigoti ni dho nari ndirigoti ngbaribbai ma ni ka ni e chi njonjo kʉ ná chu na nidhó maisha nǎ nari.
4. Chi le kʉ nari adi hwè bbʉ Yova dho
Azø Zaburi 44:21 ndirigoti Malaki 3:16, ndirigoti anitilo i ngadhudha djo:
Ká addudho bbʉbbʉlo le ruru nari nga kʉ nyodyu dhi lo ri?
Yova ká adi ndi mbu ngbaribbai njati ko di bbʉbbʉlo po kpakpa ma ri kʉ ko dho ná saa na ró?
Nzø di bbʉbbʉlo po ró, føri adi rili nzø dhi gø dhi ndrŭ ba hwè. Bbʉbbʉlo ko di po ró, føri na ko adi hwè bbʉ Yova dho
5. Anji chi kʉ ná lo krʉ saa ró
Bí kʉ ná ndrŭ urie ri, ri ro nzá ka ndi ka le é chi krʉ saa ró ri. Ro akonja addudho ma ringani ko é chí krʉ saa ró nari. Aninja VIDEO.
Azø Waebrania 13:18, ndirigoti anitilo ngbaribbai ma ko ka ko e chi nari djo . . .
kodhó familia nǎ ma.
njí dhi nga nǎ inga darasa nǎ ma.
nja chu nǎ ma.
6. Chi ko kʉ nari adi faida bbʉ ko dho
Nja saa na, chi le kʉ nari ka ndi liri le tsu kpakpalo na. Ro ri kʉ bblo pli le e chí. Azø Zaburi 34:12-16, ndirigoti anitilo i ngadhudha djo:
Chi ni kʉ nari ká ka ndi liri nidhó maisha e bblo pli ngbaribbai?
Chi kʉ ná kpetsi ke ma, chi kʉ ná isɨle ma na adi rili ndima dhó ndoa ngʉ kpakpa
Chi kʉ ná njí dhi kpa adi rili ndima dhó patro li ndima thí li ndima djo
Chi kʉ ná raia adi rili ndima bbá bbagʉ bbobbokpa ti bblo lo ndima djo
NJA NDRŬ ADI RIPO: “Sese kali le sha nari ro nga kʉ che ri.”
Yova ndro krʉ kʉ ná kali ndro nari ká ni u addudho?
LO DZÁ DɄNGA
Yova jiri ndidzá kau e chi krʉ ndima po ná lo ndirigoti ndima nji ná lo kana.
Lo djolu le ngʉ nari
Chi ká ko ka ko e ngba chu nǎ?
Bbʉbbʉlo le ruru nari ká kʉ nyodyu dhi lo nga addudho?
Addudho ká ni jiri ni e chi krʉ saa ro?
NI KA NI CHU NÁ NJA LO
Gø dhi ndrŭ ká ka ndima ddi chi le ka le e nari ngbaribbai ndima dhi nzø dho?
Njati ko njí ko tsoni djo ná lo ró, ká ko ka ko ba ngbá faida?
Anja addudho ma ringani ko bbʉ kitas nari, rie nzɨ ma ndrŭ njínji ri na bblo kʉ ná chulu ró.
“Ni Lazima Tu Tulipe Kodi?” (Munara wa Mulinzi, 1 Mwezi wa 9, 2011)
Nga ngʉe chí ná ddikpa ke ronga ká addu chongʉe nja ndi ngʉ chí ndidhó maisha nǎ d’e?
“Nilielewa Kama Yehova ni Mwenye Huruma na Mwenye Kusamehe” (Munara wa Mulinzi, 1 Mwezi wa 5, 2015)