Njinjini ná lo

Adho zølo krʉ ndrŭ dho

Ddikpa cha, Nouvelle zélande nǎ di ná ddikpa le-ve njangʉe jw.org djó ro ná video ngʉ loti djo nari kʉ Yova nga e zølo na dhé ri, ro ke adi fø zølo dhodho maddi. (Isa. 63:7-9) Le vʉngʉeri ndi dhǒ ndi jifunza ná fø lo njí nganga ró ddikpa le tsotso ndi kó nari chulu. Luti le ngʉ da ritsi nanga ndrŭ adi dzi ná ngalu ná saa na, le njungʉe nga bbá dza kʉ ná ddikpa isɨle na ndirigoti le pongʉeri ndi dzi nyo fø le dho. Fø isɨle ungʉe føri u. Nyo na fø le-ve ngʉ nari goti le d’rangʉe lo le dho Yova djo ndirigoti le dhongʉe le dho trakte Nzadha tso ká ká si d’ø té ni?

Fø isɨle ngangʉe dzz tso. Fø isɨle pongʉeri nari kʉ ndi dhingʉe Yova dzá Dimu kʉ ná familia nǎ, ro ndi bbangʉe bbʉbbʉlo ná nga djó ro cho da bí b’lo. Ro, ø da ná ddo kana le nzieri Yova tso ke kó ndi tsotso nja ndi ngʉ ke ro d’e. Le-ve bbʉngʉe Biblia le dho ndirigoti le ma ngangʉe funzo tso.a

Yova bbai ko ma ka ko dhǒ zølo ddi nja ndrŭ dho, føri i kʉ kodhó familia nǎ ndrŭ ma, kutaniko nǎ le-djoi ma, le-vei ma na dho. Ndirigoti ko ka ko dhǒ zølo nja ndrŭ dho ná nja chu kʉ Yova djo ko lod’ra kpa dho ná chu ko ne nari chulu.