Sa Maswi akwe Lesa Alicite Nkusu Mubuumi Bwanu?

Kubelenga Baibo bushiku abushiku inga kwatucafwa ‘Kucinka manungo alimwi ‘akuyuma mulushomo.’ (Kolo. 2:6, 7) Nacibi boobo, kwaamba ayi Maswi akwe Yehova atucafwe mubuumi bwesu tulyeelete kuyeeyelawo cakubikila maano alimwi akusebensesha njiisho nshetwiiya. (Ebu. 4:12; Jemu. 1:22-25) Lilembo lya Joshuwa 1:8 ilatondesha nshila shibotu shotatwe sheenga shatucafwa ndyetutobelenga Baibo: (1) Amubelenge Maswi akwe Lesa “malumwi amashiku.” (2) Amubelenge “cakulabilila,” nkokwaamba ayi kubelenga munshila yeenga yamucafwa kutabelengabo makani ayo sombi akuyeeya mbuli mboshakalinga kucitika shintu nshemutobelenga. (3) Camoyo woonse ‘amukonkele shoonse shilembetweemo.’ Kucita sheeshi kulaakutucafwa “kuswitilila” alimwi “akucita shintu cabusongo” mubuumi bwesu bwa bushiku abushiku.