Kutambula Beensu

Pa bushiku bwa March 23, tutolangila bantu 12 miliyoni na kwiindaawo kusa kuciibalusho. Balakutambula bumboni bubotu abuumbi kuswa kulikani lyeshi likaambe sha cipo ca cilubula cakaswa kuli Yehova alimwi ashoolwe nsheshi bantu boonse bakacane kunembo! (Isa. 11:6-9; 35:5, 6; 65:21-23; Joni 3:16) Nacibi boobo, teshibo mwaambi eenka eshi akape bumboni pacakucitika cilibetele ici. Soonse inga twatolaamo lubasu kwiinda mukutambula beensu camaansa obilo. (Loma. 15:7) Amubone nsheenga mwacita.

• Muciindi cakushika akucana pakukala ndyemutolindila pulogilamu ayi italike, amuye mukutambula beensu camaansa obilo abaabo bakaboolela mwisule akubaansha calusuno

• Ndyemutobikila maano kutambula baabo mbomwakeeta, mutalubiiko kulangoola baabo beenga besa pamulandu wakutambula bwiite. Amuye mukale ambabo mpomushiite. Amubelenge abo Baibo yanu alimwi alibuku lya nyimbo

• Pesule lya likani, amubacafwe na balicite miipusho ili yoonse. Na ciindi camana pesule lya kubungana, amubambe kwaamba ayi mukabafwakashile kapatana kwiinda nshiku shiinji. Na tamushiwo nkobakala, inga mwaamba ayi: “inga ndakondwa kushiba mbomwaibona pulogilamu. Ino inga ndamucana kuli?”