Amwiishe Cancine

Kutalika mu September, lubasu lupya lwa nsheenga mwaamba lucite mutwi utokwaamba ayi “Amwiishe Cancine.” lulaakubikwa muKabuku Kamabungano a Buumi bwa Bwineklistu Alimwi Anciito Yesu. Lubasu ulu lulaakubikwa pamulandu wakwaamba ayi tulisuni kwiisha bantu cancine camu Baibo kwiinda mukusebensesha mwiipusho alimwi alilembo.

Na twabona ayi muntu ulisuni kwiiya, inga twamupa cakwaabila nabi kumutondesha vidyo yapa jw.org kwaamba ayi alangile nsheshi tukabandike na tukaboole. Tulyeelete kufwambaana kuboolelaako pesule lya nshiku shiniinibo kwaamba ayi tukeendilishe anshetwakabandika pakutaanguna. Lubasu lupya ulu alimwi alubasu lwabeshikwiiya lunanooswa mumakani akumamanino kwamacapita amulibuku lya Ncinzi Bbaibbele Ncolituyiisya? Mweenga twacana miipusho imwi iinji alimwi amalembo eenga atucafwa ndyetwaboolela kumuntu na kucita ciiyo kwiinda mukusebensesha Baibo yeenkabo.

Kulibo mulyango womwi utola kubuumi. (Mate. 7:13, 14) Mukwiinga tulashimikila bantu baya kubupailishi bupusene-pusene, tulyeelete kusebensesha makani acancine camu Baibo eenga acafwa muntu womwi awomwi. (1 Timo. 2:4) Na twashiba kabotu mbweenga twaiisha makani amuBaibo apusene-pusene akuya panembo mukwiisha “akusansulula maswi acancine bweelete,” tulaakuba alusangalalo, akuswitilila muncito yakwiisha bamwi cancine.—2 Timo. 2:15.