Amutolelele Kulangila Cakuyandishisha Akuliyumya

Ino mwalindila Bwaami bwakwe Lesa kwaciindi cilaamfu buyani? Sa mutoliyumya cakukalika moyo ndyemutokwiinda mumapensho? (Loma. 8:25) Bamakwesu abenankashi bamwi batokwiinda mumapensho mbuli, kupatwa, kupenshekwa, kwaangwa, nabi kuloondeshekwa alufu. Bamwi baanji batokwiinda mumapensho mbuli kuciswa ciindi cilaamfu na kucembela.

Ino nciinshi ceenga catucafwa kulangila cakuyandishisha ndyetuli mumapensho ali woonse? Tulyeelete kuyumya lushomo lwesu kwiinda mukubelenga Baibo bushiku abushiku akukutumana kuyeeyawo. Tulyeelete kubikila maano kubulindilishi bwesu. (2 Koli. 4:16-18; Ebu. 12:2) Tulyeelete kupaila cankusu kuli Yehova akumusenga kwaamba ayi atupe nkusu sha mushimu wakwe usalashi. (Luka 11:10, 13; Ebu. 5:7) Ishiwesu shilusuno inga watucafwa ‘kuliyumya mushintu shoonse cakukalika moyo alimwi calusangalalo.”—Kolo. 1:11.

AMWEEBELE VIDYO ICITE MUTWI UTOKWAAMBA AYI TULYEELETE “KUCICA CAKULIYUMYA”​—AMUSHOME KWAAMBA AYI MULAAKUPEKWA CILAMBU, LYALO AMUBANDIKE MIIPUSHO ITOKONKELAAWO:

• 

  Ino “nshintu nshi shakuteengashila” sheenga shacitika mubuumi? (Shi. 9:11)

• 

  Ino mupailo ulatucafwa buyani ndyetuli mumapensho?

• 

  Ino nceebonshi ncotweelete kubikila maano kushintu nsheenga twacikonsha nabi kwaamba ayi inga tatuciti kweelana ambuli mbotwakalinga kucita kale kale muncito yakwe Yehova?

• 

  Ino nciinshi cimucafwa kutolelela kushoma ayi mulaakutambula cilambu?