Incito Iyumu Yakakumanishikwa Kwiinda Mulucafwo lwa Mushimu Usalashi

Kuswabo kale kale, basebenshi bakwe Lesa batookumanisha ncito shiinji kuteshi munkusu shabo beene, sombi kwiinda mulucafwo lwakwe Yehova. Mu 1954, libunga lyakwe Yehova lyakapanga filimu yakalinga kucite mutwi wakwaamba ayi Libunga Lyakwe Yehova Mbolitosebensa. Yakapangwa abamakwesu bakalinga kusebensela pa Bethel abo batakalinga kuciteewo lushibo luunji pamakani akupanga mafilimu. Incito iyi iyumu abuumbi yakakumanishikwa kwiindabo mulucafwo lwa mushimu usalashi wakwe Yehova. Ici cilatupa kushoma cakutatoonsha kwaamba ayi na twacinka manungo muli Yehova inga twaswitilila muncito iliyoonse njetwapekwa.—Seka 4:6.

AMWEEBELE VIDYO ICITE MUTWI UTOKWAAMBA AYI KUPANGA FILIMU YA “LIBUNGA LYAKWE YEHOVA MBOLITOSEBENSA,” LYALO AKUKUMBULA MIIPUSHO ITOKONKELAAWO:

• Ino nceebonshi kwakasalwa ayi kupangwe filimu yakalinga kwaamba pa maofesi esu anene?

• Ino filimu yakatondesha buyani ayi incito shicitwa pa Bethel shilikoshenye amubili wamuntu mboosebensa?—1 Koli 12:14-20

• Ino ngamapensho nshi bamakwesu ngobakacana ndyebakalinga kupanga filimu, alimwi ino bakaakoma buyani?

• Ino ishi shakacitika shilatwiisha nshi pa mushimu usalashi wakwe Yehova mbosebensa?