Nshila Shotatwe Mbweenga Twacinka Manungo Muli Yehova

Defedi wakacikonsha kukoma Golyati mukwiinga wakacinka manungo muli Yehova. (1Sa 17:45) Yehova alisuni kutondesha nkusu shakwe ndyaatocafwa basebenshi bakwe. (2Ma 16:9) Ino inga twacita buyani kwaamba ayi tucinke manungo muli Yehova kuteshi mulushibo lwesu? Nsheeshi nshila shotatwe sheenga shatucafwa:

• Munoopaila lyoonse. Mutanoopailabo kwaamba ayi musenge kulekelelwa pesule lyakucita cilubo sombi akusenga Yehova kwaamba ayi amupe nkusu shakutacita cibiibi ndyemweeleshekwa. (Mt 6:12, 13) Mutanoopailabo kwaamba ayi Yehova amupe shoolwe pashintu nshomwakasala kale sombi amupaile kwaamba ayi amupe butanjilishi abusongo kamutana kusala shakucita.—Jem 1:5

• Amube abubaambo bwakubelenga akwiiya Baibo. Munobelenga Baibo bushiku abushiku. (Kulu 1:2) Amucane ciindi cakukutumana kuyeeya pashakubonenaako shamu Baibo, alimwi akukonkela nshomweeya. (Jem 1:23-25) Munoolibambila kamutana kuya muncito yakushimikila muciindi cakucinka manungo mulushibo lwanu. Munoolibambila limwi mabungano kwaamba ayi munoofubilaamo

• Munookonkela butanjilishi bwa libunga lyakwe Yehova. Amushibe butanjilishi bwaconoono kuswa kulibunga lyakwe Yehova lyalo akubukonkela cakufwambaana. (Shaku 9:17) Munoonyumfwila bamanene na bamululika akumupa butanjilishi.—Ebu 13:17

AMWEEBELE VIDYO ICITE MUTWI UTOKWAAMBA AYI TATWEELETE KULOONDA KUPENSHEKWA, LYALO AKUBANDIKA MIIPUSHO ITOKONKELAAWO:

• Ino nshiinshi bamakwesu abenankashi nshobakalinga kuloonda?

• Ino nshiinshi shakabacafwa kukoma boowa mbokalinga kucite?