Sa Muleelesha Kubona Yehova Mbwakumbula Mipailo Yanu

Mu Baibo muli shakubonenaako shiinji sha mipailo Yehova njaakakumbula. Basebenshi bakwe Yehova ndyebakabona Yehova mbwakakumbula mipailo yabo alimwi akubacafwa, ncakutatoonsha kwaamba ayi lushomo lwabo lwakayuminaako. Aboobo, aswebo tulayandika kwaamba cakululama ndyetutopaila kuli Yehova lyalo akweelesha kubona mbwaakumbula mipailo yesu. Munookwiibaluka kwaamba ayi Yehova inga taakumbuli mipailo yanu, kweelana ambomutolangila na mpashi inga watucitila shiintu shiinji kwiinda pasheesho nshetwakasenga. (2Ko 12:7-9; Efe 3:20) Ino nshiinshi Yehova nsheenga watupa ndyaatokumbula mupailo wesu.

• Kuliyumya lwakumubili, kuba aluumuno lwamumiyeeyo na kuba alushomo kwaamba ayi tucikoonshe kukoma lipensho.​—Flp 4:13

• Inga watupa busongo kwaamba ayi tunoosala kabotu shakucita.​—Jem 1:5

• Inga watupa kusuna alimwi ankusu kwaamba ayi tucitewo comwi.​—Flp 2:13

• Inga watucafwa kukalikana mumiyeeyo ndyetwalisukama.​—Flp 4:6, 7

• Inga wasebensesha bamwi kutucafwa ashintu nshetuyandika na kutuyuminisha.​—1Jo 3:17, 18

• Inga wacafwa baabo mbotupaililaako.​—Mili 12:5, 11

AMWEEBELE VIDYO ICITE MUTWI UTOKWAAMBA AYI YEHOVA ‘NGUSHIKUKUTIKA MIPAILO’ LYALO AKUKUMBULA MIIPUSHO ITOKONKELAAWO:

• Ino shakacitikila Mukwesu Shimizu inga shatuyuminisha buyani na tatucikoonshi kucita shiinji ceebo cakuciswa ciswa?

• Ino cakubonenaako ca Mukwesu Shimizu inga twacikonkela buyani?