BUUMI BWA BWINEKLISTU
Yehova Ulafuna Baabo Batacite Cakulangila
Soonse cimwi ciindi tulalinyumfwa cibiibi. Kulinyumfwa cibiibi tacaambi ayi tatucite lushomo muli Yehova. Mukwiinga Yehova alakwe wakatondeshawo kale ayi alalinyumfwa cibiibi cimwi ciindi. (Mtl 6:5, 6) Sombi ino nshiinshi nsheenga twaciita na liinji nabi mpashi lyoonse katulinyumfwa cibiibi cakwiindilila?
Amupaile kuli Yehova kwaamba ayi amucaafwe. Yehova alabikila maano mbotulinyumfwa. Alashiba ndyetukondetwe a ndyetutolinyumfwa cibiibi. Alishi kabotu mbotuyeeya alimwi ambotulinyumfwa. (Kulu 7:9b) Alimwi ciinditeewo ncakwaamba ayi Yehova alatubikila maano alimwi inga watucafwa kushiba nsheenga twaciita ndyetutolinyumfwa cibiibi.—Kulu 34:18.
Mutanoyeeya pashintu shibiibi. Kulinyumfwa kulefuka kulakuma lusangalalo lwesu alimwi abushicibusa bwesu a Yehova. Nceceeco ncetuyandikila kushitilisha moyo wesu nkokwaamba ayi buntu bwesu bwamukati.—Tu 4:23.
AMWEEBELE VIDYO ICITE MUTWI UTOKWAAMBA AYI BAMAKWESU MBOBATOLELELA KUBA ALUUMUNO NABI NDYEBALINYUMFWA CIBIIBI, LYALO AKUKUMBULA MIIPUSHO ITOKONKELAAWO:
Ino nshinshi ba Nikki nshebakacita shakabacafwa kucileka kulinyumfwa cibiibi?
Ino nceebonshi ba Nikki bakayeeya kuya mukusenga lucafwo kucipatela?—Mt 9:12
Ino ba Nikki bakatondesha buyani kucinka manungo muli Yehova?