Amucane Musena Uli Kabotu Nkweenga Mwakala Pakwiiya

Sa inga mwasuna kunoofubilaamo abuumbi ndyemutoocita ciiyo capalwaanu? Inga mweelesha kucita shitokonkelaawo kwaamba ayi munoobikila maano ku nshemutokwiiya:

• Amusale musena uli kabotu. Na kacikonsheka, amucane musena wa buuya alimwi kuli mumuni uli kabotu weenga wamucafwa kunobelenga kabotu. Inga mwekala ku tebulu, na kuya kumusena umwi uli kabotu pansengwe.

• Amucane musena nkweenga mwababo nweenka. Yesu wakasalawo kuya mukupaila “kumuyamaca . . . kumusena kwatakalinga . . . bantu.” (Maako 1:35) Na inga tacikonsheki kucana musena nkweenga mwababo nweenka, amushibishe bamumukwashi wanu na abo mbomukalaabo ciindi ndyeshi mutalike kwiiya akubasenga ayi batamupilinganyi na ciindi ico cishike.

• Amuleye sheenga shamupilinganya. Na mulasebensesha fooni nabi tabuleti pakwiiya, amwiibike pakwaamba ayi inga taimupilinganyi nabi kushimya netiweki ya fooni. Na ndyemutobelenga mwayeeya pancito njomutoyandika kusebensa na cimwi nceenga mwayandika kucita, amucilembe kwaamba ayi mutaluubi lyalo akutolelela kwiiya. Na camuyumina kubikila maano ku nshomutokwiiya, amunyamuke akushingulukaako na kulyololaako.