Yesu “Wakeeya Kunyumfwila”

Lyoonse Yesu alanyumfwila Yehova. (Joni 8:29) Ano ino nceebonshi Baibo ncoyaambila ayi: “Mukupenshekwa kwakwe wakeeya kunyumfwila”?—Ebu. 5:8.

Yesu ndyaakalinga pacishi, wakeenda mubukaalo mbwaatana kwiindaamo kale ndyaakalinga kwiculu. Wakakomenena mumukwashi wabashali bakalinga kusuni Yehova sombi batakalinga kumaninitewo. (Luka 2:51) Wakaliyumya ndyebakamucitila shintu shitabete kabotu bamatanjilili babupailishi abeendeleshi ba mfulumeende. (Mate. 26:59; Maako 15:15) Kwiilikaawo, wakafwa lufu lubiibi alimwi lucisa maningi. Baibo ilaamba ayi “wakaliceesha akunoonyumfwila Lesa kushikila palufu lwakwe.”—Filip. 2:8.

Aboobo Yesu wakeeya kunyumfwila munshila ipuseneeko ndyaakalinga pacishi. Ici cakapa kwaamba ayi abe Mwaami umaninite alimwi Mupailishi Munene uyo utunyumfwishisha akunootunyumfwila nkuumbu. (Ebu. 4:15; 5:9) Yesu wakaba muntu uyandika maningi kuli Yehova pesule lyakwiiya kunyumfwila kumapensho ngakeendaamo. Aswebo inga twaba bantu bayandika kuli Yehova akusebensa ncito ili yoonse njeenga watupa na twatolelela kumunyumfwila nabi kwaamba ayi tutokwiinda mumapensho.—Jemu. 1:4.