Ciiyo 2

Lesa Ngu Shicibusa Windaawo Pa Shibusa Shoonse

Kuba shicibusa wakwe Lesa kulendaawo kuli ndimwe pa shintu shoonse. Lesa ulaakumwiisha bwa kusangalala teshi mukanoshoma sha bubeshi alimwi teshi mukanoocita shibiibi. Ulaakunokutika ku mipailo yanu. Ulaakumucafwa kuba alushomo a kucana luumuno. (Kulumbaisha 71:5; 73:28) Na mwaba amapenshi Lesa unanomucafwa. (Kulumbaisha 18:18) Alimwi cipo Lesa ncaapa mbuumi butamaani.—Bene Loma 6:23.

Ndi mutosena pafwaafwi a Lesa, mulaakusena pafwaafwi a bashicibusa bakwe Lesa. Abalo balaakuba babyanu. Balaakubabo anga mbeshikamukowa kuli ndimwe. Balaakunyumfwa kabotu kumwiisha shakwe Lesa, balaakumucafwa a kunomuyuminisha.

Lesa ulendaawo pali ndiswe. Ndi musuni kuba shicibusa wakwe Lesa, mulyeelete kushiba ayi tamweelenewo anguwe. Kuba shicibusa wakwe Lesa teshi kwaamba ayi mulyeelene anguwe. Ngumunene abuumbi, ulinditeewo maano a nkusu pali ndiswe. Ngo weelete kutweendelesha. Aboobo, na tulisuni kuba shicibusa wakwe Lesa, tulyeelete kunoomunyumfwila a kunoocita nshaatotwaambila kucita. Nshaatotwaambila, shilaakunotucafwa lyonse.—Isaya 48:18.