Ino Yesu Wakalinga Ani?

Yehova wakatuma Yesu pacishi. 1 Joni 4:9

Natutanda ayi tusangalashe Yehova, tulyeelete kunonyumfwa ku muntu aumwi wabulemu. Kalekale maningi Lesa katana kulenga Adamu, Yehova wakalenga muntu kwiculu wa mushimu alimwi wankusu.

Ndipakeenda ciindi, Yehova wakamutuma uyu muntu kusa mukushalilwa mu Betileemu kuli mooye waliina lya Maliya. Uyu mwaana bakamutumba liina ayi Yesu.—Joni 6:38.

Yesu ndyakalinga pa cishi mu buntu, wakalinga kukosha mibo yakwe Lesa. Wakalinga wa nkumbu, wa lusuno alimwi bantu bakalinga kuubilwa kuya kuli nguwe. Kwakubula kuloonda, wakalinga kwiisha bantu bamwi shalushinisho shakwe Yehova.

Yesu wakalinga kucita shibotu, nacibi boobo bakalinga kumupatite. 1 Pita 2:21-24

Bamatangilishi ba mipailo bakalinga kumupatite Yesu mukwiinga wakalinga kwaambila bantu pa kwiisha kwabo kwa bubeshi amibo yabo ibiibi.

Yesu wakalinga kushilika balwashi akubusha bamwi bakalinga kufwite.

Bamatangilishi bamipailo bakayungoola bene Loma kuuma Yesu akumucaya.