Amushomeke ku Umwi Amubye

Yehova ulisuni ayi katutondesha “lusuno lutamaani.” (Mika 6:8) Beebene balyeelete kushomeka ku umwi amubye mukwiinga na kabatashomani nabi kusunana ingayi tapuwo lushomo. Kushomeka kulayandika kwaamba ayi lusuno lukomene.

Munshiku shino, beebene baanji balicite lipensho lya kutashomeka. Kwaamba ayi mushitilishe cikwati canu, mulyeelete kucita shintu ishi shobilo.

1 MUNOOBIKILA MAANO ABUUMBI KUCIKWATI CANU

BAIBO ILAAMBA AYI: “Mutekaali anga mbantu batacite lushibo, sombi anga mbantu basongo.” (Bene Efeso 5:15,16) Cikwati canu cilayandika abuumbi. Aboobo ncintu cabusongo kucibikilako maano.

Yehova ulisuni ayi beebene “banoosangalala mubuumi” pantu pomwi. (Shikushimikila 9:9) Wakaamba ayi tamweelete kulekeleshanya, sombi mulyeelete kucita shintu shileta lusangalalo. (1 Bene Kolinto 10:24) Mbomweebenaabo balyeelete kulinyumfwa ayi mulibasuni alimwi mulabalumba.

NSHEENGA MWACITA:

• Amushinishe ayi mulaba aciindi cilaamfu cakuba pomwi ambomwebenaabo akutondesha ayi mulababikila maano

• Munoosebensesha maswi akwaamba ayi “swebo” kuteshi ayi “nebo”

2 AMUULAME MOYO WANU

BAIBO ILAAMBA AYI: “Uyo woonse ulangilisha mwanakashi calunkumbwa, wacita kale bulale anguwe mumoyo.” (Mateyo 5:28) Na muntu kaatolelela kuyeeya pashintu shabulale, ingayi tashomeki kuli ibaye nabi mukaakwe.

Yehova ulaamba ayi mulyeelete “kulama moyo wanu.” (Tushimpi 4:23; Jelemiya 17:9) Kwaamba ayi mucite boobo, mulyeelete kulama meenso anu. (Mateyo 5:29, 30) Amukonkele cakubonenaako cakwe Jobo, uyo wakapangana cipangano ameenso akwe ayi teshi akalangilishewo mwanakashi calunkumbwa. (Jobo 31:1) Tamweelete kweebela shintu shileta muyeeyo wakonana. Tamweelete kutondesha lusuno lwa mucikwati kumuntu ngomuteebenaakwe.

NSHEENGA MWACITA:

• Bantu balyeelete kushiba ayi mulashomeka ku mbomweebenaabo

• Munoyeeyelaako mbomweebenaabo, akumanisha bushicibusa buli boonse bweenga bwalengesha ayi batanyumfwi kabotu