Lesa Wakalenga Liculu a Cishi

Yehova Lesa ngo Mulengi wesu. Wakalenga shintu shoonse nshetubona anshetutaboni. Kaatana kulenga shintu nshetubona, wakalenga baanjelo baanji abuumbi. Sa uli beshi baanjelo? Baanjelo mbantu Yehova mbaakalenga baboneka mbuli nguwe. Inga tatubaboniiwo, bweenka mbotutaboni Lesa. Munjelo wakutaanguna Lesa ngwaakalenga wakaba shikumucafwa. Munjelo uyo wakacafwa Yehova ndyaakalinga kulenga nyenyeenshi, mapulaneti, ashintu shimwi shoonse. Pulaneti yomwi Lesa njaakalenga, ncishi capanshi cibotu abuumbi ncetukalaamo.

Lyalo Yehova wakabamba cishi capanshi kwaamba ayi mube shinyama a bantu. Wakalenga mumuni wa lisuba, tulundu, lweenge, amilonga.

Ino nciinshi cakakonkelawo? Yehova wakaamba ayi: ‘Ntolenga bwiisu, shishango, ashisamu.’ Kwakatalika kucata shisepo shipusenepusene, bucisa, akusapuka maluba. Lyalo Yehova wakalenga shinyama shoonse—shuuluka mwiculu, sha mumaanshi, sheenda panshi, ashitanta mwiculu. Wakalenga ashinyama shiniini, mbuli tunga basulwe, ashinene abuumbi mbuli nsofu. Ino ncinyama nshi ncosuni abuumbi?

Lyalo Yehova wakalwiita munjelo wakutaanguna ayi: “Atulenge muntu.” Bantu bakalinga kusa mukupusanaako ashinyama. Bakalinga kucikonsha kupanga shintu, kwaamba, kuseka, akupaila. Mbobakalinga kusa mukulama cishi ashinyama. Sa muntu wakutaanguna uli mushi? Atubone.