Maswi Akutalikila Mulubasu 11

Lubasu ulu lutokwaamba pa Malembo a Bwineklistu amu ciGiliki. Yesu wakashalilwa mumukwashi watakalinga kucite shintu shiinji alimwi bakalinga kukala mukatauni kaniini. Wakalinga kusebensa ncito ya bukapenta abaishi. Yesu ngowakalinga kusa mukupulusha bantu boonse. Yehova wakamusala kuba Mwaami wa Bwaami bwa kwiculu. Na muli mushali, amucafwe mwanaanu kunyumfwishisha Yehova mbwaakasala cakubikila maano mukwashi amusena Yesu nkwaakalinga kusa mukukulila. Amuyeeye Yehova mbwaakashitilisha Yesu kwaamba ayi atacaikwi kuli Elodi a mbwacikonsha kukumanisha kuyanda kwakwe nabi shayuma buyani. Amwiiye Yehova mbwakapa Joni mukuli wakubambila Yesu nshila. Amuyuminishe Yesu mbwaakatondesha ayi nabi kuswabo kubwanike, wakalinga kusuni busongo bwakwe Yehova.