CIIYO 15

Kwaamba Cakushinisha

1 Bene Tesalonika 1:5

CITEENTE CINENE: Amutondeshe ayi nshemutokwaamba nshancine alimwi shilicindeme.

Amulibambile kabotu. Amushinyumfwishishe kabotu shiteente shinene akunyumfwishisha Baibo mboitondesha ayi nshancine. Amweeleshe kusansulula shiteente shinene mumaswi aniinibo atashupi kunyumfwisha. Amubikile maano kumakani ayo mbweenga acafwa batookutika. Amusenge mushimu usalashi kuli Yehova.

Amwiindulukeemo cakupoosha mulikani lyanu, kwaamba ayi mulishibe kabotu akwaamba ayi mukalyaambe kabotu.
Amusebenseshe maswi atondesha kushinisha. Amwaambe mumaswi anu, muciindi cakubooshawobo bweenka mbwalembetwe mulibuku. Amusale maswi atondesha ayi mulishinishite kwaamba ayi nshemutokwaamba nshalushinisho.
Amwaambe cakushinisha kuswa panshi lyamoyo. Liswi lilyeelete kunyumfwika ndyemutokwaamba. Na nkomukala cilibo kabotu kulanga bantu ndyemutobandikaabo, amubalaange.

Kwaamba cakushinisha tacaambi kwaambabo caambe aambe, kuyuminina pashintu shimwi, na kukakatisha bantu kucita nshomutobalwiita. Nabi ndyemutokwaamba cakushinisha, batookutika balyeelete kubona kwaamba ayi mulibasuni.