Amwiishe Munshila Yuubu

Yesu Nshaakacita

VIDYO: Yesu Wakatondesha Ishiwesu Mbwaatubikilako Maano

1. Amweebele VIDYO, na kubelenga Mateyo 6:​25-27. Lyalo akuyeeya pa miipusho itokonkelaawo:

1. Ino Yesu wakatondesha buyani Yehova mbwaatubikilako maano?

2. Ino ngamakani nshi oobu kunyumfwisha Yesu ngaakabikila maano nabi kwaamba ayi wakalinga kushi makani aanji patuyuni? Ino nceebonshi iyi yakalinga nshila ibotu yakwiisha?

Ino Nciinshi Nceenga Tweeya Kucakubonenaako Cakwe Yesu?

2. Kwiisha munshila yuubu kulacafwa bantu kwiibaluka nshobakeeya alimwi inga kwabashika pamoyo.

Amukonkele Cakubonenaako Cakwe Yesu

3. Mutaambi bunene. Muciindi cakusansulula shoonse nshemushi pamakani ngomutobandika, amubikile maano kumakani ali muciiyo cili mulibuku. Pesule lya kwiipusha mwiipusho, amulindile cakukalika moyo kwaamba ayi shikwiiya akumbule. Na taacishiiwo cikumbulo nabi na waamba muyeeyo uteendelani a Baibo nshoiisha, amusebenseshe miipusho imwi yeenga yamucafwa kuyeeya pamakani ngomutobandika. Na shikwiiya wanyumfwishisha citeente cinene, amuye panembo.

4. Amusebenseshe makani shikwiiya wanu ngeeshi kale kumucafwa kunyumfwisha makani apya. Kucakubonenaako, kamutana kutalika kubandika ciiyo citokwaamba pa kubuka kwa bafu, mpashi inga mwasuna kwiinduluka mumakani shikwiiya ngeeshi kale pashicitika na muntu wafwa.

5. Amusebenseshe kabotu shakubonenaako. Kamutana kwaamba cakubonenaako, amutaangune kuliipusha ayi:

1. ‘Sa cakubonenaako ici ncuubu?’

2. ‘Sa shikwiiya atocinyumfwisha?’

3. ‘Sa citomucafwa kwiibaluka citeente cinene—kuteshi kwiibalukabo cakubonenaako?’