Kulibambila Kusuniki Kwaamba ayi Mwiishe Kabotu

Mankanda obilo Yesu bakamwiipusha mwiipusho womwi womwi pa makani abuumi butamaani, sombi wakakumbula mwiipusho uyo kweelana ashakalinga kusuni wooyo wakamwiipusha. (Luka 10:25-28; 18:18-20) Aboobo, nabi kwaamba ayi tuli eshi kabotu makani aciiyo ca Baibo, tulyeelete kulibambila ciindi kaciciliiko akuyeeya shikwiiya wesu ndyetoocita boobo. Inga twaliipusha miipusho mbuli, ino ngamakani ali ngweenga wacana lipensho kunyumfwisha na kusumina? Ino ngamalembo ali ngotweelete kubelenga akwe? Ino tulyeelete kweela pali? Cimwi ciindi inga mwayandika kuyeeya cikoshanyo, na bupandulushi, nabi miipusho yeenga yacafwa shikwiiya wanu kunyumfwisha makani ngatokwiiya. Mukwiinga Yehova ngolengesha ayi mbuto sha lushinisho shikule mumoyo, tulyeelete kupaila kumusenga kwaamba ayi atucafwe ndyetutolibambila ciiyo, akucafwa shikwiiya kukula lwakumushimu.—1 Koli. 3:6; Jemu. 1:5.