Amusebenseshe Kabotu Mbasu Shili Mulibuku lya Bbaibbele Ncoliyiisya
Shikwiiya Baibo ndyatokwiiya Baibo nshoiisha alimwi akusebensesha nshatokwiiya, ulakula alimwi akushala shisepo shakumushimu. (Kulu. 1:1-3) Inga twacafwa shikwiiya wesu kukula kwiinda mukusebensesha kabotu mbasu shili mulibuku lya Bbaibbele Ncoliyiisya.
Miipusho Yapakutalikila: Mutwi uli woonse ulatalika amiipusho yeshi ikumbulwe muciiyo. Inga mwaibelenga miipusho iyi kwaamba ayi mucafwe shikwiiya wanu kulangila nsheeshi mubandike. Na inga mwamwaambila ayi aambewo paniinibo pa mwiipusho womwi awomwi. Na waamba shilubite, tamweelete kumululika paciindi ceeci. Nsheeshi akumbule shitomucafwa kushiba makani ngomweelete kubikila maano alimwi akuyuminisha ndyemutokwiiya akwe.—Tus. 16:23; 18:13.
Makani Aayungizyidwe: Na shikwiiya wanyumfwisha akusumina makani anene ali muciiyo, inga mwamuyuminisha kwiindulukamo palwakwe mumakani acanika palubasu ulu. Ndyemutotalika ciiyo citokonkaawo inga mwendulukamo akwe kwaciindi ciniinibo kubona na wakanyumfwisha nshakabelenga. Nacibi boobo, na inga cacafwa, amubandike akwe makani ali palubasu ulu kwiinda mukubelenga mapalagilafu alimwi akwiipusha miipusho njomwakabambila limwi.
Kabokosi Kakwiindulukamo: Kweela kwa mutwi uli woonse kuli kabokosi ka kwiindulukamo kacite maswi ashikumbulo sha miipusho yapakutalikila. Inga mwasebensesha lubasu ulu kushinisha ayi shikwiiya wanu wanyumfwisha alimwi inga wacikonsha kupandulula makani anene ngweeya. Amubelenge maswi ayo amalembo aliiwo. Lyalo amwaambile shikwiiya wanu kwaamba ayi apandulule lushinisho lwa maswi ayo kusebensesha malembo.—Milimo 17:2, 3.