Sheenga Shatucafwa Kushimikila Kabotu—Kubamba Nsheshi Mukabandike na Mukabooleleeko

MULANDU NCOCIYANDIKILA:

Tulisuni kutilila mbuto sha lushinisho nshetwakashanga. (1 Koli 3:6) Na twacana muntu usuni kwiiya, cili kabotu kumushiila mwiipusho ngweshi tukabandike na tukabooleleeko. Ici cilacafwa muntu uyo kulangila alimwi cilaba cuubu kulibambila nsheshi mukaambe na mukabooleleeko. Na twaboolelaako inga twaamba ayi, twesa kwaamba ayi tukumbule mwiipusho ulya ngotwakashiya.

NSHEENGA TWACITA:

• Ndyemutolibambila kuya mukushimikila kuŋanda aŋanda, amulibambile amwiipusho ngweshi mukakumbule na mukabooleleeko. Inga mwasala mwiipusho kuswa mumakani alibuku na magazini njomutokwaabila. Na inga mwepusha mwiipusho utoocanika mulibuku lyakwiiya njemusuni ayi mukatalike kwiiya akwe na mukabooleleeko.

• Na mwamanisha kubandika amuntu usuni kwiiya, amumwaambile ayi mulisuni kusa mukwaamba aakwe alimwi, lyalo amwaambe mwiipusho ngomwakabamba. Na kacikonsheka amumwiipushe nkweenga mwamucana.

• Na mwapangana ciindi nceshi mukayeeko, mulyeelete kucita kweelana ambomwashomesha.—Mate. 5:37.