Kwiita Bantu Kukubungana Kunene

Mwaaka uli woonse, tulalangila kusekekelela kwakumushimu nkotucana ndyetucanika kumabungano esu anene. Ano kwaamba ayi abalo bamwi bakeeleshe akubona ayi Yehova ngumubotu, tulakwiita bantu baanji kwaamba ayi bakese. (Kulu. 34:8) Likoto lya bamanene lyomwi alyomwi balaakukala panshi akubona nshila ibotu njeenga basebensesha kwaabila tupepa twabwiite.

MAKANI NGOMWEELETE KUYEEYAWO

• Ino kubungana kunene kuno kumisheesu kulaakubako lili?

• Ino tulakutalika lili kwiita bantu kuno kumisheesu?

• Ino mbushikunshi mbotubungana kuya mukushimikila?

• Ino ndisuni kwiita bantu bongaye?

• Ino mbaani mbeenga ndeeta?

NSHEENGA MWAAMBA

Pesule lyakwaansha mwine ŋanda, inga mwaamba ayi:

“Tutokwaabila bwiite ubu bwa cakucitika cicindeme abuumbi. Bushiku, ciindi, alimwi amusena shililembetwe pakapepala kabwiite aka. Inga twasangalala abuumbi na mwacanikaako.”

INO INGA MWACITA BUYANI NA MWACANA MUNTU USUNI KWIIYA?

Nabi kwaamba ayi tulisuni kwiita bantu baanji ayi bakese kukubungana kunene, tulyeelete kubikila maano abaabo mbotwabona ayi balisuni kwiiya.

Bushiku bwakwaabila magazini inga twaabila pantu pomwi akapepala ka bwiite.