Sa Mulasebensesha JW Library?

JW Library nipulogilamu njeenga mwakopolola kwakubula kulipila, pulogilamu iyi inga yamucafwa kukopolola Baibo amabuku amwi, mapulogilamu akalekodwa alimwi amavidyo kusebensesha fooni, tabuleti na kompyuta yanu.

MBWEENGA MWAIKOPOLOLA: Amuye pa Intaneti, akubika JW Library kuswa mu app store. App store iyi ilacanika mumafooni amatabuleti apusene-pusene. Ndyemuli pa Intaneti, amucalule JW Library akusala shintu nshemusuni kukopolola. Na taakuwo Intaneti kumusena nkomukala, mpashi inga mwasebensesha Intaneti ili pa Ŋanda ya Bwaami, laibulali ya bantu boonse na kumusena kumwi kuli koonse nkweenga mwacana Intaneti. Na mabuku mwaakopolola kale akwaabika pafooni na tabuleti yanu, inga mwabelenga kwakubula Intaneti. Mukwiinga pa JW Library palabikwa shintu shipya, ciindi aciindi mulyeelete kuya pa Intaneti akubika mapulogilamu ngobeshi kwiilikaawo.

INO NGUMULANDUNSHI MULYEELETE KUBA A JW LIBRARY? JW Library ilacafwa abuumbi ndyemutoocita ciiyo capalwanu alimwi ndyemuli kumabungano. Ilacafwa ndyemutoshimikila, bunene bunene ndyemutoocita bumboni bwamukubandika.