“Lemeka Baiso Alimwi Abanyoko”

Yesu ndyaakalinga pacishi ca panshi wakayuminisha mulawo wakwaamba ayi: “Lemeka Baiso alimwi abanyoko.” (Kulo. 20:12; Mate. 15:4) Cakutatoonsha Yesu wakaamba maswi aya cakwaanguluka mukwiinga “wakatolelela kubanyumfwila” bashali bakwe ndyaakalinga cikula bwangu. (Luka 2:51) Mukwiinga ngowakalingaawo munene, katana kufwa wakashinisha kwaamba ayi banyina bacala awakubalama.—Joni 19:26, 27.

Munshiku shino, Beneklistu bacikula bwangu balatondesha bulemu bashali babo kwiinda mukubanyumfwila akwaambabo munshila yabulemu. Mulawo wakulemeka bashali taucitewo mpoweela. Tulyeelete kutolelela kulemeka bashali besu kwiinda mukukonkela busongo bwabo nabi bacembela. (Tus. 23:22) Alimwi tulatondesha bulemu kubashali besu abo bakomena kwiinda mukubalangweta nshebayandika lwakumubili amumiyeeyo. (1 Timo. 5:8) Nshila isuniki abuumbi mbweenga twatondesha bulemu kubashali besu nkwiinda mukubandikaabo lyoonse ndyetucili banike na ndyetwakomena.

AMWEEBELE VIDYO YA SHIIYO SHILEMBETWE PABOODI ICITE MUTWI UTOKWAAMBA AYI INO INGA NDABANDIKA BUYANI ABASHALI BANGU? LYALO AMUBANDIKE MIIPUSHO ITOKONKAAWO:

• Ino nceebo nshi cimwi ciindi cilaba ciyumu kubandika abashali?

• Ino inga mwatondesha buyani bulemu ndyemutobandika abashali?

  

• Ino nceebo nshi ncintu cibotu kubandika abashali? (Tus. 15:22)