Sa Mibo Yakwe Lesa Itaboneki Mulaibona?

Sa mulabonamo Mulengi na mwalanga liluba lya mabala abotu, nyenyeenshi kwiculu, na maanshi aanji atookunka? Shilengwa shitushingulukite shilatondesha mibo yakwe Yehova Itaboneki. (Loma. 1:20) Na twakutumana akuyeeya pashintu nshetubona ameenso, tulabona nkusu, lusuno, maano, abululami, alimwi abwaabi bwakwe Lesa.—Kulu. 104:24.

Ino nshintu nshi Yehova nshaakalenga nshemubona bushiku abushiku? Ncakwiila kuli koonse nkweenga mwaba, inga mwaboona tuyuni na shisamu. Kubikila maano kushintu Yehova nshaakalenga inga kwatucafwa kubona mapensho esu munshila yeelete, akushoma cakutatoonsha ayi Yehova alaakutolelela kutulama kwamuyayaya. (Mate. 6:25-32) Na mulicite baana, amubacaafwe kubona mibo yakwe Yehova iinditeewo. Kulumba Yehova ceebo ca shilengwa nshetubona kulaakutucafwa kusena pafwiifwi aMulengi.—Kulu. 8:3, 4.

AMWEEBELE VIDYO ICITE MUTWI UTOKWAAMBA AYI SHILENGWA SHIKANKAMIKA SHILATONDESHA NKUSU SHAKWE LESA—MUMUNI AMUBALA, LYALO AMUBANDIKE MIIPUSHO ITOKONKELAAWO:

• Ino nceebonshi tulacikonsha kubona mabala apusene pusene?

• Ino nciinshi cipa kwaamba ayi shintu shimwi shinoboneka anga shilicite mabala apusene pusene?

• Ino nceebonshi mwiculu mulaboneka mabala apusene pusene?

• Ino ngamabala amushobo nshi akankamika ngomwakabonawo kale kumishaanu?

• Ino nceebonshi tulyeelete kucana ciindi cakulanga pashilengwa cakubikila maano?