BUUMI BWA BWINEKLISTU

Yehova Alisuni Bantu Bacite Buuya

“Amusambe kumaansa. Amuboteshe mucipinda momoona. Amupyange. Amusowe shintu sha matombe.” Bashali baanji balaiisha bana babo mbweenga baba basalalite lwakumubili. Nacibi boobo, Lesa wesu usalalite ngootwiisha kuba bantu basalalite. (Kulo. 30:18-20; Duto. 23:14; 2 Koli. 7:1) Tulalemeka Yehova na katulilama kabotu lwakumubili mbuli kusamba akubotesha shintu shoonse nshetucite. (1 Pita 1:14-16) Ino palubaansa mpotukala palyeelete kunooboneka buyani? Mubupusano abantu bakucishi beshi kusowabo matombe cisowe sowe, Beneklistu baleelesha cankusu kulama ca buuya cishi ca panshi. (Kulu. 115:16; Ciyu. 11:18) Inga twatondesha ayi tuli bantu bacite buuya kwiinda mbotubona nkotweelete kusowa tuntu tuniini mbuli tupepala twama swiiti, tubotolo twa shakunwa, na cungamu. Tulisuni kutondesha ayi “tuli basebenshi bakwe Lesa mushintu shili shoonse.”—2 Koli. 6:3, 4.

AMWEEBELE VIDYO ICITE MUTWI UTOKWAAMBA AYI YEHOVA ALISUNI BANTU BACITE BUUYA, LYALO AKUBANDIKA MIIPUSHO ITOKONKELAAWO:

Ino bamwi balabekesha ayi nciinshi cipa kwaamba ayi batanoobotesha shintu shabo?
Ino Mulawo wakwe Mose wakatondesha buyani Yehova mbwaabona makani abuuya?
Ino nciinshi ceenga capa kwaamba ayi bantu balumbaishe Yehova swebo kwakubula kubashimikila?

Mushali musankwa watanta mumotoka ya mwanaakwe icite matombe; mushali musankwa utoobandika amwanaakwe panjiisho shakwe Yehova shaamba pa buuya; bapailishi bobilo ba mu Isilaeli wakale baliimfwi pafwiifwi ambale ifongomene yabulonse yakusambilamo kumaansa; beshikushimikila batooswa mumotoka ya mwanaabo ano itacite matombe — Ino inga ndatondesha buyani ayi ndakonkela Yehova mbwaabona makani a buuya?