Sa Mutoofubilaamo Mukwiinduluka Mumalembo Bushiku Abushiku?

Sa lyoonse mulabelenga lilembo lyabushiku kuswa mukabuku ka Kulingaula Magwalo Abuzuba kwaamba ayi muyumye bushicibusa bwanu a Yehova? Na tabushi, sa inga mweelesha kunoocita boobo lyoonse? Baanji balabelenga lilembo yabushiku macuunsa kwaamba ayi bushiku boonse banocikonsha kuyeeya pashintu nshobeeya ndyebatosebensa. (Joshu. 1:8; Kulu. 119:97) Ino inga mwacita buyani kwaamba ayi mufubileemo ndyemutobelenga lilembo lya bushiku? Amubelenge makani paswa lilembo lya bushiku kwaamba ayi mushibe shakalinga kucitika. Amweeleshe kuyeeya makani amu Baibo aamba pa njiisho yatondeshekwa mulilembo. Lyalo amuyeeye mbweenga mwasebensesha njiisho iyo mubuumi bwanu. Na maswi akwe Lesa alamucafwa kusala shakucita, nkokwaamba ayi alakunoomutanjilila mubuumi bwanu alimwi ncakwiila bulakufubilaamo.—Kulu. 119:105.

Kushinguluka nsengwe yoonse, mikwashi ya Beteli balabelenga lilembo lya bushiku kuswa mukabuku ka Kulingaula Magwalo Abuzuba ndyebatolya cakulya ca macuunsa. Mu myaaka yakwisule, buunji bwa mibandi iyi balaibika pa JW Broadcasting^® palubasu lwa PROGRAMS AND EVENTS. Ino ndilili ndyemwakendulukaamo mulubasu ulu? Mpashi amwi pamakani aya ngomuyandika. Kucakubonenaako, ino makani aamba pali Loti inga amucafwa buyani ndyemutosala shakucita?

AMWEEBELE VIDYO ICITE MUTWI UTOKWAAMBA AYI MUTASUNI CISHI (1 JONI 2:15), LYALO AKUBANDIKA MIIPUSHO ITOKONKELAAWO:

• Ino ninjisho ili yamu Baibo paswa mubandi wa Kulambila Kwamacuunsa?

• Ino makani aamba pali Loti alatwiisha nshi pa mapensho eenga esa ceebo cakusuna cishi na shintu shamucishi?—Mata. 13:12; 14:12; 19:3, 12, 13, 24-26

• Ino inga twatondesha buyani ayi tulisuni Yehova kuteshi cishi na shintu shamucishi?