Sheenga Shatucafwa Kushimikila Kabotu​—Kushimikila Boofu

MULANDU NCOCIYANDIKILA: Boofu baanji tabalinyufwi kwaanguluka kubandika amuntu ngobateshi. Aboobo tulyeelete kwiishiba kabotu incito yesu kwaamba ayi tucikoonshe kubashimikila. Yehova ulababikila maano boofu. (Lefi 19:14) Aswebo inga twakonkela cakubonenaako cakwe Yehova kwiinda mukubacafwa kwiiya pali nguwe.

NSHEENGA MWACIITA:

• “Amulangoole” boofu. (Mate. 10:11) Sa kuli mukwashi ngomushi ucite moofu? Sa kumusena nkomushimikila kuli shikolo, maanda na misena imwi nkobalamina boofu beenga basuna mabuku aboofu?

• Amutondeshe ayi mulababikila maano. Na kamutondesha bushicibusa akubabikila maano, cilaakubacafwa kulinyumfwa kwaanguluka. Amweeleshe kutalika mubandi weenga wasangalasha bantu bakumusena uko.

• Amubacaafwe lwakumushimu. Libunga lyabamba mabuku apusenepusene kwaamba ayi licafwe bantu bataboni kabotu na boofu. Amumwiipushe mbweenga wasuna kwiiya. Mutanjilili wancito alyeelete kushinisha kwaamba ayi musebenshi wakumabuku waoda mabuku mumushobo wa boofu, ngeenga moofu kaasuni.