Amwiimikane Cakutatenkana Mamanino Ndyatoosena Pafwiifwi

MULANDU NCOCIYANDIKILA: Conoonobo, kulaakucitika shintu nsheshi tukayandike kutondesha kutaloonda alimwi akucinka manungo muli Yehova. Mapensho anene alaakutalika na bupailishi bwakubeca bukanyonyoolwe. (Mate. 24:21; Ciyu. 17:16, 17) Mpashi paciindi ceenka ico ndyeshi tukayandike kwaambilisha makani ayumu aboomboloshi. (Ciyu. 16:21) Lyalo tulaakulwanwa a Gogi wakucishi ca Magogi. (Ese. 38:10-12, 14-16) Kwaamba ayi Yehova akashitilishe bantu bakwe, alaakulwana Gogi wakucishi ca Magogi “pabushiku bunene bwakwe Lesa Shinkusu shoonse.” (Ciyu. 16:14, 16) Kwaamba ayi tuyume akuba bataloondi kushintu sheshi shikacitike kunembo, tulyeelete kutolelela kushomeka ciindi lushomo lwesu ndyelutokweeleshekwa pacecino ciindi.

NSHEENGA MWACIITA:

• Cakutaloonda munookonkela njiisho shiluleme shakwe Yehova.​—Isa. 5:20

• Amutolelele kunoocanika kumabungano aBwineklistu.​—Ebu. 10:24, 25

• Cakufwambaana munookonkela butanjilishi buswa kulibunga lyakwe Yehova.​—Ebu. 13:17

• Munookutumana akuyeeya Yehova mbwaakapulusha bantu bakwe muciindi cakale kale.​—2 Pita 2:9

• Munopaila kuli Yehova akucinka manungo muli nguwe.​—Kulu. 112:7, 8

AMWEEBELE VIDYO YACITONDESHO ICITE MUTWI UTOKWAAMBA AYI SHINTU SHESHI SHIKACITIKE KUNEMBO NSHESHI TUKASUNIKE KUTALOONDA​—LUBASU, LYALO AKUKUMBULA MIIPUSHO ITOKONKELAAWO:

• 

  Ino kunyumfwila kwa beshikushimikila kwakeeleshekwa buyani ciindi libungano ndyebakalinga kuyaako ndyeyakabikwa pomwi amabungano amwi?

• 

  Ino tulaba buyani bantu bataloondi na katunyumfwila?

• 

  Ino nceebonshi kutaloonda kulaakuyandika ciindi ca Amagedoni?

• 

  Ino ngamakani ali amuBaibo eenga atucafwa kushoma ayi Yehova inga watupulusha?​—2 Maka. 20:1-24