Amupe Yehova Shiinditeewo Kubota

5:5-7, 11

Muciindi ca bene Isilaeli, taakuwo muntu wakalinga kwaalilwa kupa cipo ca bwanabwankashi ceebo cakuba mukandu. Nabi mwine Isilaeli abe mukandu buyani wakalinga kucikonsha kupa cipo cisangalasha Yehova, cinenebo na ncipo ciindawo kubota. Bakalinga kupa cipo ca fulaulo, sombi yakalinga kweelete kuba ‘indaawo kubota,’ iyo njebakalinga kusebensesha na muntu watambula mweensu. (Mata. 18:6) Amunshiku shino, Yehova alatambula ‘mulambu wesu wakulumbaisha’ wiindaawo kubota, nabi kwaamba ayi bukaalo bwesu mpashi inga tabutusuminishi kucita nsheenga twacikonsha.​—Ebu. 13:15.

Ino makani aya inga amuyuminisha buyani na mutokwaalilwa kucita nshemwakalinga kucita kalekale mpashi ceebo cakwaamba ayi nkusu shitooya buceya?