BUUMI BWA BWINEKLISTU
Balilibambite Kushimikila Kubantu Boonse
Munshiku shino, Yehova alabunganya bantu bakwe bweenka mbwaakacita kubene Isilaeli. Kushinguluka nsengwe yoonse, ma ofesi amusampi, mbasu, mabungano alimwi atukoto twakushimikila, shoonse shakabambwa ayi shitucaafwe kutola panembo ncito yakushimikila makani abotu. Tulashimikila kubantu boonse kwiilikaawo abaabo baamba mushobo umwi.—Ciyu. 14:6, 7.
Sa mwakayeyawo kale shakwiiya mushobo umwi kwaamba ayi mucafwe bamwi kwiiya cancine? Nabi kwaamba ayi inga tamucani ciindi cakwiiya mushobo upya, inga mwasebensesha JW Language app kwiiya bwakubandikishanya abantu mumushobo uyo. Pesule lyakusebensesha app iyi muncito yakushimikila, inga mwacana lusangalalo lweenka Beneklistu bamuciindi ca batumwi ndobakacana, ciindi bantu bakaswa kumisena imwi ndyebakakankamana kubanyumfwa kabaamba mumushobo wabo “pashintu shinene isho Lesa nshaakacita.”—Mili. 2:7-11.
AMWEEBELE VIDYO ICITE MUTWI UTOKWAAMBA AYI AMUBE SHICIBUSA WAKWE YEHOVA—MBWEENGA MWASHIMIKILA MUMUSHOBO UMWI, LYALO AKUBANDIKA MIIPUSHO ITOKONKELAAWO:
Ino ndilili ndyeenga mwasebensesha JW Language app?
Ino nimbasu nshi shicanika pa JW Language app?
Bantu bamishobo yoonse balyeelete kunyumfwa makani abotu
Ino njimishobo nshi bantu bakumusena nkomushimikila njobaamba?
Ino nshiinshi nshomweelete kucita na muntu usuni kwiiya makani a Bwaami ulaamba mushobo umwi?—od-CG 100-101 mapa. 39-41