Sa Mulaakusebensaako Bupainiya Bwakucafwilisha mu March na mu April?

Sa inga mwasuna kucitaako shiinji muncito yakwe Yehova ciindi ca Ciibalusho? (2 Koli. 5:14, 15) Mu March amu April bapainiya bakucafwilisha inga basala kusebensa mawoola 30 na 50. Na mulisuni kwabanaamo lubasu muncito iyi ilibetele, inga mwalemba foomu ya bupainiya bwakucafwilisha akupa bamu Komiti Yancito. Mweenshi uliwoonse meena abaabo basuminishikwa kuba bapainiya bakucafwilisha alaakoolobeshekwa kulibungano. Kucita boobo, kulaakuyuminisha beshikushimikila bamwi mulibungano kucafwa bapainiya muncito yakushimikila. Amuleke soonse tweeleshe kucita nsheenga twacikonsha kwabanaamo lubasu muncito yakushimikila ciindi ca Ciibalusho. Kucita boobo, kulaakutucafwa kushiba bwakushimikila kabotu alimwi akuyuminishanya.​—1 Tesa. 5:11.