AMWIIYE NSHEENGA MWACIITA MUNCITO YAKUSHIMIKILA | MBWEENGA MWATOLELELA KUBA ALUSANGALALO MUNCITO YAKUSHIMIKILA
Amwaambe Shikoshanyo Ndyemutoosansulula Shiteente Shinene
Ndyetutoocita lweendo lwakuboolelaako na shiiyo sha Baibo, tulyeelete kucafwa mbotutokwiisha kunyumfwishisha shiteente shinene. Na katusebensesha shikoshanyo kusansulula shiteente shinene inga twabashika pamoyo abo mbotutokwiisha alimwi akubacafwa kwiibaluka nshobeeya.
Ndyemutoolibambila lweendo lwakuboolelaako na kuya mukucita ciiyo ca Baibo, amusale shiteente shinene nshemusuni kuya mukusansulula. Lyalo amusale shikoshanyo shuubu kunyumfwisha alimwi nshobeshi kabotu. (Mt 5:14-16; Mk 2:21; Lk 14:7-11) Amweeleshe kushiba mbobakakomena alimwi ashintu nshobacita. (Lk 5:2-11; Jo 4:7-15) Mulaakusangalala abuumbi na mwabona lusangalalo ndobabaalo ceebo cakunyumfwisha citeente cimwi.
AMWEEBELE VIDYO YACITONDESHO ICITE MUTWI UTOKWAAMBA AYI AMUCANE LUSANGALALO MUNCITO YAKWIISHA BANTU KUBA BASHIKWIIYA—SHEENGA SHATUCAFWA KUSHIMIKILA KABOTU—AMWAAMBE SHIKOSHANYO NDYEMUTOOSANSULULA SHITEENTE SHINENE, LYALO AKUBANDIKA MIIPUSHO ITOKONKELAAWO:
Ino nceebonshi mbomwiisha Baibo inga bayandika kucafwikwa kunyumfwishisha Malembo?
Ino Neeta wasansulula buyani cancine cicanika palilembo lya Bene Loma 5:12?
Shikoshanyo shuubu kunyumfwisha shilashika bantu pamoyo
Ino shikoshanyo shuubu kunyumfwisha inga shabacafwa buyani abo mbotutokwiisha?
Ino nceebonshi tulyeelete kusebensesha mavidyo ashisebensesho shimwi nshetusebensesha muncito yakushimikila shiswa kulibunga ndyetuli muncito yakushimikila?