Amutondeshe Lusuno Mumukwashi

Lusuno lulapa kwaamba ayi mumukwashi mube lucatano. Kwakubula lusuno, inga caba ciyumu kwaamba ayi mumukwashi mube luumuno alucatano. Ino basankwa beebete, banakashi beebetwe alimwi abashali inga batondesha buyani lusuno mumukwashi?

Musankwa ucite lusuno, alabikila maano kushiyandika mukaakwe, kukutika mbwatoyeeya alimwi akushiba mbwatolinyumfwa. (Efe 5:28, 29) Alalangweta mukwashi wakwe shiyandika lwakumubili a lwakumushimu, kwiilikaawo akuba a Kulambila Kwamukwashi lyoonse macolesha. (1Ti 5:8) Mwanakashi ucite lusuno, alanyumfwila ibaye alimwi ‘akumulemeka abuumbi.’ (Efe 5:22, 33; 1Pit 3:1-6) Boonse bobilo balyeelete kunoolekelelana camoyo woonse. (Efe 4:32) Bashali bacite lusuno balabikila maano ku mwaana womwi awomwi alimwi akumwiisha kusuna Yehova. (Du 6:6, 7; Efe 6:4) Ino ngamapensho nshi bana babo ngobeendaamo ndyebali kucikolo? Ino nciinshi cibacafwa kuleya kuyungwa ababyaabo? Na mumukwashi kamuli lusuno, boonse balalinyumfwa kushitilishikwa.

AMWEEBELE VIDYO ICITE MUTWI UTOKWAAMBA AYI AMUTONDESHE LUSUNO LUTAMAANI MUMUKWASHI WANU, LYALO AKUBANDIKA MIIPUSHO ITOKONKELAAWO:

• 

  Ino musankwa ucite lusuno alamulama buyani mukaakwe?

• 

  Ino mwanakashi ucite lusuno alatondesha buyani ayi alamulemeka abuumbi ibaye?

• 

  Ino bashali bacite lusuno balacita buyani kwaamba ayi baiishe bana babo Maswi akwe Lesa?