Amuyeyeleeko Bamwi

Kuyeyelaako bamwi cilaamba kunyumfwishisha muntu mbwayeeya, mbwaalinyumfwa alimwi ashintu nshabona ayi shilayandika. Bantu bamwi balashiba na tulabayeyelaako. Na katusunishi kucafwa bamwi cilaakutucafwa kunobayeyelaako. Na katuyeeyelako bamwi muncito yakushimikila, tulatondesha ayi tulibasuni alimwi tulababikila maano bweenka mbuli Yehova, alimwi ici cilapa kwaamba ayi basune kuba beshicibusa bakwe.​—Flp 2:4.

Kuyeyelaako bamwi teshibo nshila njetusebensesha kwaamba ayi twiishe bantu. Tulatondesha ayi tulayeyelaako bamwi kwiinda mukukutika cakubikila maano, mbotubandika, nshetucita, mbotusebensesha maansa ambweenga katuboneka pameenso. Alimwi tulatondesha ayi tulayeyelaako bamwi kwiinda mukubatondesha lusuno lwancinencine. Tulabikila maano kushiba shintu nshebasuni, nshobashoma alimwi abukaalo mbobabetemo. Tulabalwiita makani eenga abacafwa akubapa lucafwo luyandika, sombi tatubakakatishi kwaaluka. Tulasangalala abuumbi na bantu mbotushimikila basumina kubacafwa.

AMWEEBELE VIDYO YACITONDESHO ICITE MUTWI UTOKWAAMBA AYI AMUCANE LUSANGALALO MUNCITO YAKWIISHA BANTU KUBA BASHIKWIIYA​—SHEENGA SHATUCAFWA KUSHIMIKILA KABOTU—​AMUYEYELEEKO BAMWI, LYALO AKUBANDIKA MIIPUSHO ITOKONKELAAWO:

• 

  Ino Neeta watondesha buyani ayi wamuyeyelaako Jade, ndyacelwa kushika?

• 

  Ino Neeta watondesha buyani ayi wamuyeyelaako Jade, ndyaamba ayi inga taacikonshi kwiiya mukwiinga alilemete?

• 

  Ino Neeta watondesha buyani ayi wamuyeyelaako Jade, ndyaamba ayi tacishi kubamba kabotu shintu?