AMWIIYE NSHEENGA MWACIITA MUNCITO YAKUSHIMIKILA | MBWEENGA MWATOLELELA KUBA ALUSANGALALO MUNCITO YAKUSHIMIKILA
Nsheenga Twasebensesha Kulangoola Makani
Yehova alatupa shisebensesho nsheenga twasebensesha kwiisha kabotu mbuli mavidyo, matilakiti, magazini, mabuloshuwa, mabuku, alimwi acisebensesho ciyandika abuumbi, Baibo. (2Ti 3:16) Alimwi alatupa ashisebensesho sheenga shatucafwa kusansulula kabotu Malembo. Shisebensesho ishi shileelikaawo Watchtower Library, JW Library® app, LAIBULALI YAPA INTANETI, alimwi alibuku lya Bbuku Ligwasya Kuvwuntauzya lya Bakamboni ba Jehova.
Munanoocana lusangalalo na kamusebensesha shisebensesho shoonse nshemwakabambilwa kulangoola makani amu Baibo. Amushinishe kwaamba ayi abo mbomwiisha Baibo mwabacafwa kushiba bwakusebensesha shisebensesho ishi. Lyalo abalo balaakunosangalala ndyeshi bakanocana shikumbulo kumiipusho njebacite ndyebatoobelenga Baibo.
AMWEEBELE VIDYO YACITONDESHO ICITE MUTWI UTOKWAAMBA AYI AMUCANE LUSANGALALO MUNCITO YAKWIISHA BANTU KUBA BASHIKWIIYA—AMUSUMINE LUCAFWO LWAKWE YEHOVA—NSHEENGA TWASEBENSESHA KULANGOOLA MAKANI, LYALO AKUKUMBULA MIIPUSHO ITOKONKELAAWO:
Ino ngamakani nshi Jade ngakaamba pamakani akulengwa kwashintu?
Ino nkuli Neeta nkwaakaya mukulangoola makani ngobakalinga kubandikawo a Jade?
Tulaba alusangalalo na katulwiitaako bamwi buboni bwakumushimu mbotucana mu Baibo
Ino nciinshi cakacafwa Neeta kusala makani eenga amucafwa abuumbi Jade?
Ino mbubotu nshi Neeta mbwaakacana ceebo cakusebensesha shitabatisho nshetusebensesha kulangoola makani?