Amucafwe Shikwiiya Baibo Wanu Kuleya Kusekana Abantu Batabete Kabotu

Kwaamba ayi shikwiiya abe shicibusa wakwe Yehova, alakuyandika kusala kabotu bantu mbasekanabo. (Kulu 15:1, 4) Kuba abeshicibusa bali kabotu kulaakumuyuminisha kucita shintu shili kabotu.—Tu 13:20; lff ciiyo 48.

Ndyemutomucafwa kucileka kusekana abantu batabete kabotu, amweeleshe kunyumfwishisha mbwaabona shintu. Teshi cuubu kucileka kucanika abantu mbaakalinga kusekanabo. Amumutondeshe ayi mulamubikila maano lyoonse, kwiinda mukumulembela meseji, kumutumina fooni nabi kumufwakashila. Shikwiiya Baibo ndyaatooya panembo amumwiiteeko kukubungana kumwi nkweenga mwabaako pomwi abantu bakwe Lesa. Kucita boobo kulaakumucafwa kubona ayi kuli shibotu nsheenga wacana kwiinda nshaakashiya. (Mk 10:29, 30) Mulaakucana lusangalalo ndyemutobona mukwashi wakwe mboutooya cikomenenaako.

AMWEEBELE VIDYO YACITONDESHO ICITE MUTWI UTOKWAAMBA AYI—AMUCAFWE SHIKWIIYA BAIBO WANU KULEYA KUSEKANA ABANTU BATABETE KABOTU, LYALO AKUKUMBULA MIIPUSHO ITOOKONKELAAWO:

• Ino bantu batabete kabotu mbantu bali buyani?—(1Ko 15:33)

• Ino Jade wakalinga kuyeeya ayi kubungana kwa Bwineklistu kulacitwa buyani?

• Ino nshiinshi Neeta nshaakacita kwaamba ayi acafwe Jade kucileka kusekana abantu batabete kabotu?