Amucafwe Beshikwiiya Baibo Kucileka Mibo Iteendelani Anjiisho Shakwe Yehova

Bantu bacite mibo isalalite mbeenga baba abushicibusa bubotu a Yehova. (1 Pit 1:14-16) Na beshikwiiya Baibo banu bacileka mibo itabete kabotu, balatalika kuba alusangalalo mumukwashi, buumi bubotu, alimwi akusebensesha kabotu maali.

Amubasansulwiite kabotu njiisho shakwe Yehova pamakani akulilemeka alimwi ambweenga bafubilaamo na bashikonkela. Amubikile maano kukucafwa beshikwiiya Baibo kwaalula mbobayeeya, lyalo balaakucikonsha kucita nshaasuni Yehova. (Efe 4:22-24) Amubashomeshe kwaamba ayi Yehova inga wabacafwa kucileka shilabo shitabete kabotu. (Efe 4:13) Amubacaafwe kushiba mbweenga bapaila kwaamba ayi Yehova abape nkusu shakucikonsha kukoma shibiibi. Amumucaafwe kushiba akuleya bukaalo bweenga bwamupa kwaamba ayi eeleshekwe. Amumuyuminishe kucita shintu sheenga shamucafwa muciindi cakucita shibiibi. Mulaakuba alusangalalo kubona beshikwiiya Baibo banu ndyebatokwaalula mibo yabo kwiinda mulucafwo lwakwe Yehova.

AMWEEBELE VIDYO YACITONDESHO ICITE MUTWI UTOKWAAMBA AYI AMUCAFWE BESHIKWIIYA BAIBO KUCILEKA MIBO ITEENDELANI ANJIISHO SHAKWE YEHOVA, LYALO AKUKUMBULA MIIPUSHO ITOKONKELAAWO:

• 

  Ino bamanene alimwi a Neeta bakacita buyani ndyebakashiba mibo ibiibi Jade njakalinga kucite?

• 

  Ino nducafwo nshi alumwi Neeta ndwaakapa Jade?

• 

  Ino Jade wakacita buyani kwaamba ayi Yehova amucaafwe?