Kulaba Ciindi Mapensho Oonse Ndyaamana

Mapensho inga atulefula, bunene bunene na aboneka anga atola ciindi cilaamfu. Defedi wakalinga kucishi kwaamba ayi lipenshi ndyaakalinga kucite a Mwaami Saulo lilaakumana mukuya kwaciindi alimwi akwaamba ayi alaakuba Mwaami kweelana a Yehova mbwaakashomesha. (1Sa 16:13) Lushomo Defedi ndwaakalinga kucite lwakamucafwa kukalika moyo akulindila ayi Yehova alaakucitawo comwi.

Ndyetutokwiinda mumapensho, inga twasebensesha lushibo, busongo alimwi maano kwaamba ayi twaalule bukaalo bwesu. (1Sa 21:12-14; Tus 1:4) Nacibi boobo, mapensho amwi alatolelela nabi kwaamba ayi twacita shoonse nsheenga twacikonsha kweelana anjiisho shamu Baibo. Na caba boobo, tulyeelete kukalika moyo akulindila ayi Yehova acitewo comwi. Coononobo alaakumana mapensho oonse ngotutokwiindaamo ‘akutukunkumuna minsonshi’ kumeenso esu. (Ciyu 21:4) Inga caba ayi twakoma lipenshi ndyetucite kwiinda mulucafwo lwakwe Yehova na nshila imwi, cancine ncakwaamba ayi: Kulaba ciindi mapensho oonse ndyaamana. Kushiba cancine ici inga kwatuyuminisha.

AMWEEBELE VIDYO ICITE MUTWI UTOKWAAMBA AYI BANTU BACATENE MUCISHI MULI BANTU BATACATENE, LYALO AKUKUMBULA MIIPUSHO ITOKONKELAAWO:

• Ino ngamapensho nshi amwi Beneklistu bakulubasu lwakumalenge kwa cishi ca United States ngobakeendaamo?

• Ino bakatondesha buyani kukalika moyo alimwi alusuno?

• Ino bakacita buyani kwaamba ayi batolelele “kubikila maano kushintu shiyandika” abuumbi?—Flp 1:10