BUBONI BUCANIKA MUMASWI AKWE LESA

Amusale Kabotu Ngomusuni Kweebanaakwe

Solomoni wakasalawo cakutayeeya kabotu kwiinda mukweeba banakashi bakalinga kulambila ba lesa bakubeca (1Ba 11:1, 2; w18-CG.07 pe. 18 pala. 7)

Banakashi Solomoni mbakeeba bakapa kwaamba ayi mukuya kwaciindi alitalamushe kuli Yehova (1Ba 11:3-6; w19-CG.01 pe. 15 pala. 6)

Solomoni wakakalasha Yehova abuumbi (1Ba 11:9, 10; w18-CG.07 pe. 19 pala. 9)

Shikope: Nankashi uteebetwe atoocita ciiyo ca Baibo capalwaakwe atoyeeya pamukwesu uteebete. 1. Mukwesu atokumbulaawo kumabungano. 2. Alabanaamo lubasu muncito yakushimikila kubantu baanji. 3. Alacafwilisha muncito yakubamba Ŋanda ya Bwaami.

Maswi akwe Lesa alayuminisha Beneklistu batabete mucikwati kweebwa na kweebabo ‘mushomi.’ (1Ko 7:39) Nacibi boobo, ici tacaambi ayi kulilabo na muntu wakabombekwa nkokwaamba ayi inga waba muntu weelela kweeba na kweebwako. Inga mwayandika kuliipusha miipusho mbuli, sa muntu uyu alaakuncafwa kutolelela kusebensela Yehova abuumi bwangu boonse? Sa kwaciindi watondesha kwaamba ayi alisuni Yehova abuumbi? Amutaangune kumushiba kabotu abuumbi muntu kamutana kubandika sha cikwati.