BUUMI BWA BWINEKLISTU
Mbweenga Twalibambila Malwashi Atalika Cakuteengashila
Ino nceebonshi tulyeelete kulibambila? Malwashi na mapensho amwi ngeenga twayandika kuya kucipatela inga acitika paciindi ncetutatokwiingashila. Aboobo, amucanine limwi lucafwo loonse luliiko pacecino ciindi kwaamba ayi na mukaciswe mukatambule lucafwo luli kabotu lweenga lwa konsheka. Kucita boobo kulaakutondesha ayi mulalemeka buumi amulawo wakwe Yehova waamba pamakani abulowa.—Mili 15:28, 29.
Ino inga mwalibambila buyani?
Amupaile akulemba cakubikila maano kaadi ya durable power of attorney (DPA).a Beshikushimikila bakabombekwa inga babwesa kaadi iyi aka kaadi ka Identity Card (ic) ka baana baniini kumukwesu usebensela kumabuku
Na muli pakati, amusenge foomu ya Makani Atokwaamba pa Banakashi Bali Pakati (S-401) kuswa kubamanene. Foomu iyi ilaakumucafwa kusala kabotu pamapensho ali woonse eenga abuka ndyemuli pakati alimwi apaciindi ndyemutootumbuka
Na mutoyandika kushilikwa kweenga kweelikawo makani abulowa na kucitwa adimiti kucipatela, amubashibishile limwi bamanene bamulibungano linemishaanu akushibisha bakucipatela kwaamba ayi inga mwasuna kufwakashilwa a Bakamboni Bakwe Yehova
Ino bamanene inga bacafwilisha buyani? Inga bamucafwa kushiba bwa kulemba kaadi yanu ya DPA. Nacibi boobo, bamanene inga tabamusalili mbweenga mwayandika kushilikwa na kwaamba mbobatoyeeya pamakani muntu womwi awomwi ngaeelete kulisalila mwiine. (Lo 14:12; Ga 6:5) Na mwashibisha bamanene bamulibungano linemishaanu kwaamba ayi mpashi makani abulowa inga abuka mubukaalo bwanu, mukufwambaana bamanene balaakutumina bamu Hospital Liaison Committee (HLC) kwaamba ayi bamucaafwe.
Ino bamakwesu bacafwilisha mu HLC inga bamucafwa buyani? Bamakwesu aba bakaiishikwa mbweenga bacafwa bakucipatela abaabo balanga pamakani amilawo kunyumfwishisha nshetushoma anshetukonkela pamakani abulowa. Inga babandika abakucipatela pamakani ambweenga mwashilikwa kwakubula kusebensesha bulowa. Na kaciyandika, inga bamucafwa kucana dokota unyumfwishisha nshetusala pamakani abulowa.
AMWEEBELE VIDYO ICITE MUTWI UTOKWAAMBA AYI MBWEENGA MWASALA KABOTU PAMAKANI ABULOWA, LYALO AKUKUMBULA MIIPUSHO ITOKONKELAAWO:
Ino nshiinshi nshomweeya muvidyo iyi sheenga shamucafwa kushiba shakucita na cakuteengashila mwalicana mubukaalo butoyandika kushilikwa kusebensesha bulowa?
a Makani aambwa mu ciiyo 39 mulibuku lya Amusangalale Abuumi Kwamuyayaya! inga amucafwa kushiba nsheenga mwasala pamakani akushilikwa kusebensesha bulowa.