BUUMI BWA BWINEKLISTU
Amweeleshe Kwiiya Kubona Shintu Bweenka Yehova Mbwashibona
Tulisuni kusangalasha Yehova mushintu shoonse nshetucita. (Tu 27:11) Kwaamba ayi tucikoonshe kucita boobo, nshetusala shilyeelete kutondesha patuba kwaamba ayi tulabona shintu bweenka Yehova mbwaashibona, nabi taaku mulawo ululamite paceeco ncetusuni kusalawo. Ino nciinshi ceenga catucafwa kucita boobo?
Amube abubaambo bwa kwiiya Baibo bushiku abushiku. Lyoonse na twabelenga Baibo, cilaba anga tuli pomwi a Yehova. Inga tweeya Yehova mbwaabona shintu kwiinda mukuyeeya mbwakalinga kucita kubantu bakwe bakale kale alimwi akwiiya shakubonenaako sha baabo bakacita shibotu abaabo bakaalilwa kucita shibotu mumeenso akwe. Ndyetutosala shakucita, mushimu usalashi inga watucafwa kwiibaluka njiisho amakani ayandika ngotwakeeya kuswa mu Maswi akwe Lesa.—Jo 14:26.
Amulangoole makani. Na kuli cimwi ncomutoyandika kusalaawo, amuliipushe ayi, ‘Ino ngamakani na mavesi ali mu Baibo eenga ancafwa kunyumfwishisha Yehova mbwaalinyumfwa pamakani aya?’ Amupaile kwaamba ayi Yehova amucaafwe, alimwi amulangoole makani mumabuku esu aliiko mumushobo wanu, kwaamba ayi amucaafwe kucana njiisho shamu Baibo shitokweendelana abukaalo mbomubeteemo akushikonkela.—Kulu 25:4.
AMWEEBELE VIDYO ICITE MUTWI UTOKWAAMBA AYI TULYEELETE “KUCICA CAKULIYUMYA”—AMULYE CAKULYA CIPA BUUMI BUBOTU, LYALO AKUKUMBULA MIIPUSHO ITOKONKELAAWO:
Ino ngamapensho nshi nankashi watondeshekwa muvidyo ngaakacana?
Ino kulangoola makani mumabuku esu inga kwamucafwa buyani ndyemuli mubukaalo mbuli boobu?
Ino kulangoola makani akucita ciiyo capalweesu shilatucafwa buyani kusala kabotu shakucita?—Ebu 5:13, 14