Amusale Nsheenga Mwasuna Kukumanisha Nsondo Bushiku bwa Ciibalusho Kabutana Kushika a Nsondo Pesule lya Ciibalusho

Mwaaka amwaaka, bantu bakwe Yehova balalangila kubungana pomwi pa bushiku bwa Ciibalusho. Nsondo bushiku ubu kabutana kushika alimwi a nsondo pesule lya Ciibalusho, tulaba acoolwe cakulumbaisha akulumba Yehova pa cilubula ncaakatupa. (Efe 1:3, 7) Kucakubonenaako, tulasebensa cankusu kwiita bamwi ku Ciibalusho. Beshikushimikila bamwi balacikonsha kwaalulako shimwi mubuumi bwabo kwaamba ayi basebenseko bupainiya bwakucafwilisha bwa mawoola 30 na 50 mu March na April. Sa amwebo inga mwasuna kucita shiinji nsondo bushiku ubu kabutana kushika alimwi a nsondo pesule lya Ciibalusho? Ino nciinshi ceenga camucafwa kucita boobo?

Inga twacikonsha kusebensa kabotu na twalibambilila limwi. (Tu 21:5) Mukwiinga Ciibalusho cilibo pafwiifwi, cino nceciindi cakulibambila. Amuyeeye nsheenga mwaciita kwaamba ayi mucite shiinji muncito yakushimikila bushiku bwa Ciibalusho kabutana kushika apesule lya Ciibalusho, alimwi amuyeeye nsheenga mwayandika kucita kwaamba ayi mukumanishe nshemusuni kucita. Lyalo amupaile kwaamba ayi Yehova amupe shoolwe.—1Jo 5:14, 15.

Sa inga mwayeeya nsheenga mwaciita kwaamba ayi mucite shiinji muncito yakushimikila nsondo bushiku bwa Ciibalusho kabutana kushika, ansondo pesule lya Ciibalusho?