Sheenga Shamucafwa Ndyemutokwiiya

Amwiiye Shiinji Pamibo Ibotu Yehova Njaacite

Ndyetutobelenga Baibo, inga twalangoola makani amwi kwaamba ayi tunyumfwishishe kabotu nshotutoobelenga. Sombi tatusunibo kwiiya kwaamba ayi tushibe shiinji pamakani amu Baibo. Tulisuni kwiiya shiinji pamibo ibotu Yehova njaacite iyo yeenga yapa kwaamba ayi tumusuune abuumbi. Kwaamba ayi tucikoonshe kucita boobo, inga twaliipusha ayi, ‘Ino makani aya amu Baibo atonjiisha nshi pali Yehova?’

Kucakubonenaako, inga mwalangoola makani kwaamba ayi mushibe kabotu Yehova mbwaatondesha lusuno, busongo, bululami alimwi ankusu. Nacibi boobo, iyi teshi njemibo yeenkabo Yehova njaacite. Kuli mibo aimwi iinji ibotu njaacite. Ino nkuli nkweenga twacana makani aamwi aamba pamibo njaacite?

Amubone mulibuku lyamu Chitonga lyaamba ayi Bbuku Ligwasya Kuvwuntauzya lya Bakamboni ba Jehova, akubona pamutwi waamba ayi “Jehova Leza” lyalo akubona pakamutwi kaamba ayi “Bube bwa Jehova.” Amulangoole makani atokwaamba pamibo itokweendelana amakani ngomutobelenga mu Baibo.