Amwiindulukeemo Mu Shiteente Shinene Nshomweeya

Sa cimwi ciindi cilamuyumina kwiibaluka nshomweeya? Soonse ici cilatucitikila ciindi aciindi. Ino nshiinshi nsheenga mwaciita? Amwiindulukeemo mu shiteente shinene nshomweeya.

Ndyemutokwiiya munokweelesha kwiimikanaako akuyeeya nshomweeya. Ici Paulo ncaakayuminisha bashominyina kunoocita ndyebakalinga kwiiya nkalata njakabalembela. Wakaamba ayi: “Makani eene eene ngakwaamba ayi.” (Ebu. 8:1) Munshila iyi wakabacafwa kunyumfwishisha ncaakalinga kusansulula alimwi anshakaamba mboshakalinga kweendelana amakani ngakalinga kwaambawo.

Mpashi inga mwatolako mamineti ali 10 pesule lyakumanisha kwiiya kwaamba ayi mukutumane kuyeeya pashiteente shinene nshomweeya. Na tamutokwiibaluka kabotu shiteente, amubelenge tumitwi amaswi akutaanguna ali mupalagilafu yomwi ayomwi kwaamba ayi mwibaluke nshomweeya. Na mweeya shintu shipya amweeleshe kushisansulula mumaswi anu. Na mweenduluka mu nshomweeya, cilaakunomubeta cuubu kwiibaluka. Alimwi mulaakunyumfwishisha kabotu mbweenga mwakonkela nshomweeya mubuumi bwanu.