Yesu Alaakumana Bukapondo

Yesu alicishi mbotulinyumfwa ndyetutopeenga ceebo ca bukapondo akutalulama. Bakamubekesha, kumuuma nabi kwaamba ayi taakalinga kuciteewo mulandu, koomboloshekwa cakutalulama, kupekwa mulandu ngwaatana kucita, alimwi akufwa lufu lucisa abuumbi. Nabi kwaamba ayi taakuwo ncaakabisha, wakalyaaba “kwaaba buumi bwakwe kwaamba ayi alubule bantu baanji.” (Mateyo 20:28; Joni 15:13) Mbuli Mwaami utokweendelesha mu Bwaami bwakwe Lesa, conoono pacishi coonse alaakukushawo kutalulama abukapondo kwamuyayaya.—Isaya 42:3.

Baibo ilaamba mucishi mbweshi mukabe na Yesu akacitewo comwi:

• ‘Bamucita shibiibi balaakushimingana, mulaakweelesha kubalangoola, sombi teshi mukababoneewo. Sombi balibombya balaakwikala mucishi alimwi balaakwikala cakusangalala muluumuno luunji.’—Kulumbaisha 37:10, 11.

Ino inga twacita buyani kwaamba ayi tutondeshe kulumba pashintu Yesu nshaakatucitila alimwi ansheshi akatucitile coonono? Nshila yomwi mbweenga twacita boobo nkwiinda mukwiiya shiinji pa ‘makani abotu a Bwaami bwakwe Lesa,’ ayo ngaakalinga kwiisha. (Luka 4:43) Amubelenge mutwi wamu Chitonga waamba ayi “Ino Bwami bwa Leza Ninzi?”