Ino Nshiinshi Nsheenga Mweeya Ndyemutokwiiya Baibo a Bakamboni Bakwe Yehova?
Bakamboni Bakwe Yehova inga bamucafwa kunyumfwishisha kabotu Baibo nshoiisha. Kwiiya Baibo andiswe inga kwamucafwa:
Kuba alusangalalo mubuumi
Kuba abushicibusa a Lesa
Kushiba shishomesho shamu Baibo shakunembo
Shili papeeji iyi
Sa inga ndatalika alimwi kwiiya na ndakalinga kwiiya Baibo a Bakamboni Bakwe Yehova kale kale?
Sa mulasuminisha muntu kunokwiiya Baibo kwakubula wakunomwiisha?
Ino nshiinshi shicitika paciiyo ca Baibo?
Muntu umwi weshi akanomwiisha alaakumucafwa kunyumfwishisha makani amu Baibo, muciiyo comwi acomwi. Ndyeshi mukanokwiiya Baibo munshila yakubandikishanya kusebensesha libuku lya Amusangalale Abuumi Kwamuyayaya! mulaakushiba Baibo nshoyaamba ambweenga yamucafwa. Kwaamba ayi mushibileewo ashimwi, amweebele vidyo iyi.
Sa ndyeelete kulipila kwaamba ayi ntalike kwiiya?
Sobwe. Bakamboni Bakwe Yehova balakonkela butanjilishi Yesu mbwaakapa bashikwiiya bakwe bwaamba ayi: ‘Mwakapekwabo, amwebo mukapebo.’ (Mateyo 10:8) Kwiilikaawo, taboolishiiwo Baibo alimwi alibuku lya Amusangalale Abuumi Kwamuyayaya! isho nsheshi mukanosebensesha pakwiiya.
Ino ciiyo cilatola ciindi cilaamfu buyani?
Libuku lyoonse lilicite shiiyo shili 60. Inga mwalisalila bulaamfu bwaciindi cakunokwiiya, sombi beshikwiiya baanji balanyumfwa kabotu kumanisha ciiyo comwi na kwiindaawo munsondo.
Ino inga ndacita buyani kwaamba ayi ntalike kwiiya?
1. Amulembe foomu yakusenga wakumwiisha pa webusaiti yesu. Tulaakusebenseshabo makani ngeshi mukatume kwaamba ayi womwi wa Bakamboni Bakwe Yehova akabandike andimwe.
2. Weshi akanomwiisha alaakubandika andimwe. Weshi akanomwiisha alaakumusansulwiita mbweshi mukanokwiiya Baibo alimwi alaakukumbula miipusho ili yoonse njeenga kamucite.
3. Mwebo aweshi akanomwiisha mulaakubika bubaambo bwa mbweshi munokwiiya. Inga mweeya ndyemuli pomwi, pafooni, kusebensesha vidyo, kulembelana makalata na ma imelo. Liinji ciiyo cilatolabo liwoola lyomwi, sombi inga kamwiiyabo mamineti aniini na kusotoka liwoola lyomwi kweelana aciindi nceenga kamucite.
Sa inga ndataanguna kweeleshaako kubona ciiyo mbocicitwa?
Ee. Kwaamba ayi mucite boobo, amulembe foomu icanika pa webusaiti yesu. Na weshi akanomwiisha akabandike andimwe, amukamulwiite ayi mulisuni kweeleshako kwaamba ayi mubone ciiyo mbocicitwa. Alaakusebensesha buloshuwa ya Amusangalale Abuumi Kwamuyayaya! muli shiiyo shakutaanguna shotatwe kwaamba ayi mubone na inga mwasuna kutolelela kwiiya.
Sa beshi bakanoonjisha balaakunkakatisha kuba womwi wa Bakamboni Bakwe Yehova na nkasumine kutalika kwiiya Baibo?
Sobwe. Bakamboni Bakwe Yehova balanyumfwa kabotu kwiisha bantu Baibo, sombi tatukakatishiiwo muntu uli woonse kwaamba ayi atalike kupaila andiswe. Muciindi cakucita boobo, tulaiishabo bantu Baibo nshoyaamba munshila ya bulemu, ceebo cakushiba ayi muntu womwi awomwi alyeelete kulisalila nshaeelete kushoma.—1 Pita 3:15.
Sa inga kansebensesha Baibo yangu?
Ee, inga mwasebensesha Baibo ili yoonse njemusuni. Nabi kwaamba ayi tulanyumfwa kabotu kusebensesha Baibo ya New World Translation of the Holy Scriptures, iyo yakasansululwa kabotu alimwi yuubu kunyumfwisha, tulicishi ayi bantu baanji balasuna kusebensesha Baibo njobakashibila.
Sa inga ndeetako bamwi kunocanikaawo paciiyo?
Ee. Inga mweetaako bamumukwashi wanu boonse na beshicibusa banu bali boonse mbweenga mwasuna kwiita.
Sa inga ndatalika alimwi kwiiya na ndakalinga kwiiya Baibo a Bakamboni Bakwe Yehova kale kale?
Ee. Alimwi inga mwasangalala kwiiya andiswe pacecino ciindi kwiinda mbocakalinga kale kale, mukwiinga tuleeya bunene makani eenga acafwa bantu munshiku shino. Pacecino ciindi nshiinji shakweebela alimwi nkwiiya Baibo munshila yakubandikishanya kwiinda mbocakalinga kale kale.
Sa mulasuminisha muntu kunookwiiya Baibo kwakubula wakunomwiisha?
Ee. Nabi kwaamba beshikwiiya baanji baleeya kabotu na kuli utoobaiisha, bamwi balasuna kutaanguna kunookwiiya palwaabo beene. Palubasu lwa Nsheenga Mwasebensesha Ndyemutokwiiya Baibo, pali shisebensesho nsheenga mwasebensesha kwakubula kulipila isho sheenga shamucafwa ndyemutokwiiya Baibo. Nsheeshi shisebensesho shimwi sheenga shamucafwa:
Mavidyo Akusebensesha Pakwiiya Baibo. Mavidyo aya afwiifwi alasansulula njiisho shiyandika shamu Baibo.
Mibuzyo Yamu Bbaibbele Yaingulwa. Makani acanika palubasu ulu inga amucafwa kushiba shikumbulo kumiipusho iinji yamu Baibo.
Tupango Twamu Bbaibbele Twapandululwa. Amushibe busansulushi bwa malembo ashibikitwe kabotu amaswi amwi amu Baibo.