Caanda Cilaamfu ca Babelo

Pesule lya Muyoba Unene, bana bakwe Nowa basankwa bakaba abaana baanji. Mikwashi yabo yakakomena, aboobo bakaya mumisena ipusenepusene pacishi, bweenka Yehova mbwaakabalwiita.

Sombi bamwi tabakwe kunyumfwila Yehova. Aboobo bakapangana ayi: ‘Atuyake ndabala akukala waano. Tulaakuyaka caanda cilaamfu cishika kwiculu, kwaamba ayi tupange liina.’

Yehova taakwe kukondwa abantu aba nshobakalinga kucita, aboobo wakabakasha. Sa ulishi ncaakacita? Apo peenka wakabapa kutalika kwaamba mishobo ipusenepusene. Aboobo bakacileka kuyaka mukwiinga tabakalinga kunyumfwa umwi nshaakalinga kwaamba. Ndabala njobakalinga kuyaka yakalinga kwiitwa ayi Babelo, kusansulula ayi “kupilingana.” Bantu bakatalika kupaansana akuya mukukala kumisena ipusenepusene pacishi coonse. Sombi bakatolelela kucita shintu shibiibi mumisena mobakaya mukukala. Sa kwakalingaako bamwi bakalinga kusuni Yehova? Tulaakwiiya makani aya mu mutwi utokonkelaawo.